Video
Read full review
2024-01-22
19 views
Grill ขนทอง 行開銅鑼灣見未食野，諗返起上年食過嘅泰國菜餐廳好好味，一於再回訪食返佢哋，呢間餐廳裝修時門口已經加埋斜路，好方便輪椅人士入去食，我一入到去有位男店員同我打招呼，仲話記得我上年大約6月食過，我查返記錄其實係4月，傾傾下仲話一直有Follow我社交平台，哈哈！🤣🤣🤣1.泰式串燒配炒飯及雜菜 配凍奶茶$72（8.5/10）呢碟泰式串燒配炒飯份量超多，首先有三串牛肉串，每串有5舊牛肉，牛肉唔韌，燒得啱啱好，而炒飯似糯米質感，炒飯入面有九層塔、豆角粒等。凍奶茶：比較多奶，茶味少咗，都夠滑！2.去骨泰國海南雞飯$69+Mojito cocktail$65（9/10）呢碟去骨泰國海南雞飯份量都唔少，有6舊好嫩滑嘅無骨海南雞，飯嘅質素仲好味咗，記得上年嘅飯 無咁有飯香，一問店員原來轉咗金象牌嘅米，飯幾乎好味咗好多，抵我喺門口排咁耐隊！Mojito cocktail：飲落好清爽，易入口，仲有淡淡青檸味！3.冬陰功湯$40（10/10）呢個冬陰功湯係用紙杯裝住，初初以為好細杯，飲下飲下份量都唔少，酸酸辣辣好暖胃，入面配料仲有2舊好彈牙嘅蝦仁同2舊蘑菇！4.魷魚鬚$25（10/10）
行開銅鑼灣見未食野，諗返起上年食過嘅泰國菜餐廳好好味，一於再回訪食返佢哋，呢間餐廳裝修時門口已經加埋斜路，好方便輪椅人士入去食，我一入到去有位男店員同我打招呼，仲話記得我上年大約6月食過，我查返記錄其實係4月，傾傾下仲話一直有Follow我社交平台，哈哈！🤣🤣🤣
1.泰式串燒配炒飯及雜菜 配凍奶茶$72（8.5/10）
呢碟泰式串燒配炒飯份量超多，首先有三串牛肉串，每串有5舊牛肉，牛肉唔韌，燒得啱啱好，而炒飯似糯米質感，炒飯入面有九層塔、豆角粒等。
凍奶茶：比較多奶，茶味少咗，都夠滑！
2.去骨泰國海南雞飯$69+Mojito cocktail$65（9/10）
呢碟去骨泰國海南雞飯份量都唔少，有6舊好嫩滑嘅無骨海南雞，飯嘅質素仲好味咗，記得上年嘅飯 無咁有飯香，一問店員原來轉咗金象牌嘅米，飯幾乎好味咗好多，抵我喺門口排咁耐隊！
Mojito cocktail：飲落好清爽，易入口，仲有淡淡青檸味！
3.冬陰功湯$40（10/10）
呢個冬陰功湯係用紙杯裝住，初初以為好細杯，飲下飲下份量都唔少，酸酸辣辣好暖胃，入面配料仲有2舊好彈牙嘅蝦仁同2舊蘑菇！
4.魷魚鬚$25（10/10）
呢個即燒魷魚鬚非常彈牙，夠辣！
5.泰國魚餅$25（10/10）
呢個即燒魚餅夠彈牙，辣度好足夠！
2人總共價錢$296
個人口味總評分：9.5/10
地址：銅鑼灣駱克道487-489號駱克駅地舖
#Grillขนทอง #泰國菜 #銅鑼灣 #駱克道 #駱克駅#銅鑼灣好去處 #銅鑼灣美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
