S2 鐵板燒 (Closed)

尼間鐵板燒之前食過一次，覺得性價比高，材料新鮮，烹調唔油膩。今次回頭再食，依然維持高水準。.海膽焗原隻龍蝦北海道帆立貝海鮮套餐（hkd$780)-時令沙律-三點刺身盛合-鐵板海膽醬芝士焗原隻龍蝦-北海道黑松露帆立貝-招牌脆皮煎鰻魚-s2特色黃金炒飯-焗椰菜雜菌-s2特色紙包花膠蜆湯-飯後甜品——泡芙.淨睇餐牌已經覺得好yumyum, 沙律刺身肥美新鮮。原隻龍蝦加咗好多芝士，拉絲效果超滿足，食到隔離枱眼鯨鯨(ꐦ ´͈ ᗨ `͈ )。 帆立貝本身已經好好味，加上黑松露更帶出海鮮嘅鮮甜味道。 鰻魚平時都係食開有加鰻魚汁的， 估唔到鮮鰻魚原來魚味咁香濃肥美，而魚皮更煎到脆卜卜，好似食緊薯片咁爽脆。黃金炒飯可以自選配料，印象揀咗鵝肝，炒飯粒粒分明，不過鵝奸味就吾重，下次可以試吓其他配料。椰菜雜菌濃濃牛油香，簡簡單單已經好好食。 花膠蜆湯鮮甜清新，即使係最尾先似都唔覺得膩。 泡芙中規中矩，但飯後一點甜還是覺得滿足的