Video
Read full review
2008-12-07
57 views
** 此 食 肆 的 第 四 十 五 個 OK **尋晚(6-12-2008Sat)同男友去紅磡搵朋友後,男友話o黎呢o度行吓,又搵戲睇,決定o左睇戲就搵o野食,我未食過詠藜園,於是走o黎.o黎到,知客話如果搭枱o既即刻有位,唔使等,我o地見時間差唔多,咁好啦.我o地坐o係一張大枱,之後都只係先後多兩個同三個客人坐埋一張枱,所以都唔迫.我同男友叫o左:1.擔擔麵(不辣)好明顯呢個係就唔食得辣o既我,o黎到,又係好大呀……個碗.深啡色o既湯,冇咩花生醬味,唔知呢啲係咪叫做正宗四川擔擔麵呢?麵身唔太腍,都有佢本身o既味,但要用心至留意到.2.夫妻肺片睇個樣好辣呀!男友先試,佢話真係好辣,係入到喉嚨辣,叫我撇走啲醬至食.啊,知道.我撇走啲醬o黎食,就接受到佢o既辣度.但呢碟夫妻肺片,爽口o既肺片就得三,四件,牛(月展)就好多,但食唔出牛味,而重有好多大豆芽菜墊底.又有透明o既薄片,食落煙煙韌韌咁,幾得意,應該係拉粉.3.青菜豆腐湯好大窩,青菜係白菜,湯o既味道好清甜,冇落味精,豆腐都幾多,我o地飲唔晒.4.獅子頭(一位用)獅子頭幾大個,豬肉好鬆,一夾即可以一開二,味道一般,湯好濃.5.淮山茯
尋晚(6-12-2008Sat)同男友去紅磡搵朋友後,男友話o黎呢o度行吓,又搵戲睇,決定o左睇戲就搵o野食,我未食過詠藜園,於是走o黎.
o黎到,知客話如果搭枱o既即刻有位,唔使等,我o地見時間差唔多,咁好啦.
我o地坐o係一張大枱,之後都只係先後多兩個同三個客人坐埋一張枱,所以都唔迫.
我同男友叫o左:
1.擔擔麵(不辣)
好明顯呢個係就唔食得辣o既我,o黎到,又係好大呀……個碗.深啡色o既湯,冇咩花生醬味,唔知呢啲係咪叫做正宗四川擔擔麵呢?麵身唔太腍,都有佢本身o既味,但要用心至留意到.
2.夫妻肺片
睇個樣好辣呀!男友先試,佢話真係好辣,係入到喉嚨辣,叫我撇走啲醬至食.啊,知道.我撇走啲醬o黎食,就接受到佢o既辣度.但呢碟夫妻肺片,爽口o既肺片就得三,四件,牛(月展)就好多,但食唔出牛味,而重有好多大豆芽菜墊底.又有透明o既薄片,食落煙煙韌韌咁,幾得意,應該係拉粉.
3.青菜豆腐湯
好大窩,青菜係白菜,湯o既味道好清甜,冇落味精,豆腐都幾多,我o地飲唔晒.
4.獅子頭(一位用)
獅子頭幾大個,豬肉好鬆,一夾即可以一開二,味道一般,湯好濃.
5.淮山茯苓包(一客三個)
男友好奇之下叫o既,佢搣開呢個(相中)皮厚餡少,但另外兩個又唔係,都唔均勻o既.食落,淮山本物身味道唔係咁重,亦食唔出茯苓味道,不過男友唔鍾意乾爭爭o既包,覺得口感唔係咁好.
呢o度一坐低就畀兩碟前菜,一個係酸菜,一個係魚皮花生.魚皮花生好脆,好味.
環境:
都幾闊落舒適.
服務:
剔o左紙仔交畀佢o地時,會即時同客人核對點o左咩o野,以防出錯,幾好.
冇乜問題,幾快手.
埋單$191.00
Post
