White Button Cafe & Dessert (Closed)

呢間餐廳啲食物相我係見過的，IG-able, 但冇嚟試過，終於喺佢結業之前有機會試一次。雖然佢就嚟執笠 ，但係佢嘅質素令我不敢恭維，第日東山再起嘅時候， 希望有改善啦。被告知每人有最低消費150元， 基本上一個正品加一杯飲品都一定過。餐廳嘅食物選擇其實唔算多，係幾款沙律小食同十款左右意粉。意粉嘅味道其實 ok嘅， 雖然佢同價錢唔成正比， 用料太孤寒。百幾元一個意粉，總要有點點誠意吧。飲品呢，一半人覺得冇問題，正正常常。另一半就覺得淡而無味，尤其係飲熱花茶本，就好似咁熱水一樣。大家互相試飲過，確實真係。甜品都叫咗兩個千層蛋糕同兩款梳乎厘奄列試下。玫瑰蜂蜜味嗰個係零玫瑰味，仲要有少許發酵味， 而且係扁塌了，偏溶的狀態。紫薯嗰個質感係正常嘅，但係紫薯味道唔係太食到。梳乎厘奄列係造成奄列狀嘅梳乎厘。其中一個應該係發得唔好，中間係實嘅。味道方面 ， 梳乎厘冇問題，個汁都係好麻麻。