Video
Read full review
2024-09-26
73 views
🐻👩🏻早幾個月食完重房晚餐有啲心郁郁，🐻👨🏽當然要做野訂左晏就同🐻👩🏻食多次啦。🐻前菜係醃南瓜，冰凍香甜，口感軟糯，今日咁熱食真係啱啱好。之後就食熱辣辣既日式蒸蛋，蒸蛋好滑，食落感受蛋香味同高湯混合，仲有魚肉蝦肉配襯，剛剛好打開味蕾。🐻之後係刺身時段，首先係北海道北寄貝配柚子皮醋啫喱，貝肉Q彈鮮甜，柚子皮既清香同醋既酸，更突顯到貝肉的甜味。🐻四國蜜柑鯛配竹炭鹽，清甜魚肉滲出淡淡柑味，一點點鹽作為點綴好恰當。🐻中拖羅配烏魚子，將咸香既烏魚子同肥美無筋的拖羅一整舊放入口，感受到拖羅係口中慢慢溶化，回味魚油香係一種享受。🐻磯煮鮑魚，鮑魚肝醬，煮到軟淋的鮑魚，每一口都食到鮑魚本身的鮮味，肝醬微澀的添加，還原出鮑魚完整的味道。🐻燒物係鹽燒馬友，馬友燒到外皮脆香肉質鮮嫩，咸香既馬友加上酸汁既調和，可以食到魚肉既鮮甜。🐻北海道秋刀魚壽司，到食秋刀魚既季節，肥美既秋刀魚加上香葱薑蓉，真係比拖羅仲好食，魚油既爆發同魚肉既嫩滑，一貫壽司兩種享受。🐻赤身醬油漬壽司，緊致既魚肉搭配醋飯，一口一貫讓你回到壽司既原點，赤身的確係百吃不厭。🐻筋子壽司，香港好少有得食既時令食材，經醬油漬處理，品味到淡淡醬油香同魚子既
🐻前菜係醃南瓜，冰凍香甜，口感軟糯，今日咁熱食真係啱啱好。之後就食熱辣辣既日式蒸蛋，蒸蛋好滑，食落感受蛋香味同高湯混合，仲有魚肉蝦肉配襯，剛剛好打開味蕾。
🐻之後係刺身時段，首先係北海道北寄貝配柚子皮醋啫喱，貝肉Q彈鮮甜，柚子皮既清香同醋既酸，更突顯到貝肉的甜味。
🐻四國蜜柑鯛配竹炭鹽，清甜魚肉滲出淡淡柑味，一點點鹽作為點綴好恰當。
🐻中拖羅配烏魚子，將咸香既烏魚子同肥美無筋的拖羅一整舊放入口，感受到拖羅係口中慢慢溶化，回味魚油香係一種享受。
🐻磯煮鮑魚，鮑魚肝醬，煮到軟淋的鮑魚，每一口都食到鮑魚本身的鮮味，肝醬微澀的添加，還原出鮑魚完整的味道。
🐻燒物係鹽燒馬友，馬友燒到外皮脆香肉質鮮嫩，咸香既馬友加上酸汁既調和，可以食到魚肉既鮮甜。
🐻北海道秋刀魚壽司，到食秋刀魚既季節，肥美既秋刀魚加上香葱薑蓉，真係比拖羅仲好食，魚油既爆發同魚肉既嫩滑，一貫壽司兩種享受。
🐻赤身醬油漬壽司，緊致既魚肉搭配醋飯，一口一貫讓你回到壽司既原點，赤身的確係百吃不厭。
🐻筋子壽司，香港好少有得食既時令食材，經醬油漬處理，品味到淡淡醬油香同魚子既甜，鹹甜味剛剛好。
🐻甜蝦壽司配芽葱紫蘇花蝦膏，入口食到濃郁既蝦膏，然後係蝦肉既鮮甜，一整隻蝦完美在一貫壽司上呈現。
🐻鹿兒島地金目鯛配北海道麵豉醬，火炙下迫出魚油，香氣四溢，脆焦既外皮同肥美既魚肉，係麵豉醬既微辣調味，可以享受到金目鯛既美好。
🐻白海膽壽司，師傅以手握方式呈現，平時比海苔分薄的味道，今次完美演繹，入口滿滿海膽既鮮甜，閉目感受到海膽既原味，作為最後一貫壽司，的確令人回味。
🐻重房的確無令🐻👩🏻失望，無論午餐抑或晚餐質素都係咁出色，師傅每一道菜既講解都好細心，係品味既同時了解到菜式既特色，將成個用餐體驗昇華。
Post
