Video
Read full review
2017-08-09
140 views
今次係我第二次黎呢間火鍋店喇，記得對上一次印象都非常好，由環境、食物質素、服務到臨走我「參觀」埋店家嘅洗手間都非常滿意。週二晚同朋友食飯，佢話好耐冇食火鍋，我就諗起火薈喇！我地都喺附近番工，所以好方便，收工就行過黎，餐廳位於酒吧街果邊，以前都好旺，不過老實講，而家大不如前，唔知係咪因為咁，呢間火鍋店客人唔算好多，所以我地都冇預約，直接walk in。餐廳喺2樓，個人認為裝潢幾靚，相當闊落，四人枱位置充足，而且客人唔多，唔催唔趕，真心坐得舒服亦有卡位，房間，房間有最低消費，但問過，定價合理，人均二百左右坐到，日後有聚會都要提議朋友黎呢度。餐廳除左火鍋，其實仲有私房菜，不過我地就冇留意有乜食，睇番火鍋。火鍋選擇豐富，湯底都有十幾款 $68-$298，沙嗲、麻辣、胡椒豬肚雞、冬瓜瑤柱蛤蜊、蝦兵蟹將等。配料有肉類、海鮮、刺身、自家製手打丸、餃類、一般火鍋配料、粉麵、蔬菜等，定價中上，但質素甚高。佢地都有套餐供應，三款定價每位 $208/268/298，另收茶芥($10/位)、醬油($15/位)、加一服務費，連埋飲品人均三百起，包湯底、牛、海鮮、丸類、餃類、滑類、蔬菜、粉麵等，上次我已經試過最平
週二晚同朋友食飯，佢話好耐冇食火鍋，我就諗起火薈喇！我地都喺附近番工，所以好方便，收工就行過黎，餐廳位於酒吧街果邊，以前都好旺，不過老實講，而家大不如前，唔知係咪因為咁，呢間火鍋店客人唔算好多，所以我地都冇預約，直接walk in。餐廳喺2樓，個人認為裝潢幾靚，相當闊落，四人枱位置充足，而且客人唔多，唔催唔趕，真心坐得舒服亦有卡位，房間，房間有最低消費，但問過，定價合理，人均二百左右坐到，日後有聚會都要提議朋友黎呢度。
餐廳除左火鍋，其實仲有私房菜，不過我地就冇留意有乜食，睇番火鍋。火鍋選擇豐富，湯底都有十幾款 $68-$298，沙嗲、麻辣、胡椒豬肚雞、冬瓜瑤柱蛤蜊、蝦兵蟹將等。配料有肉類、海鮮、刺身、自家製手打丸、餃類、一般火鍋配料、粉麵、蔬菜等，定價中上，但質素甚高。佢地都有套餐供應，三款定價每位 $208/268/298，另收茶芥($10/位)、醬油($15/位)、加一服務費，連埋飲品人均三百起，包湯底、牛、海鮮、丸類、餃類、滑類、蔬菜、粉麵等，上次我已經試過最平果個餐，其實相當抵食兼飽肚。今次就決定散點，價錢差不多，可以揀個好啲嘅湯底。
三文魚 (免費)：只要like店家嘅facebook就有三文魚剌身送呢，按者有份，雖然係免費，但質素唔曳
胡椒豬肚雞鍋 $138/半隻雞：推介！胡椒味非常突出，裡面加有酸菜，成個湯底好惹味，頭一輪我覺得可以飲用完先打邊爐，唔會太鹹，之後加湯就唔好喇。豬肚爽口，最正係果半隻雞，朋友們都大讚好食，因為完全唔老唔韌，非常高質，相信唔係冰鮮貨嘅質素，啖啖肉而肉嫩滑
三文魚刺身 (免費)
9 views
0 likes
0 comments
胡椒豬肚雞鍋
20 views
0 likes
0 comments
胡椒豬肚雞鍋
8 views
0 likes
0 comments
頂級安格斯牛頸脊 $198/中：早兩日我先打完邊爐黎，果間餐廳比呢間更高價，但連碟牛都冇呢度嘅咁出色！
上次我食套餐，包嘅只係雪花肥牛，但質素真係唔差；今次自己點，就點左靚少少嘅牛頸脊，果然冇失望
牛肉份量唔多，肥瘦雙隔，手切雙飛，食落會比較厚身，口感一流帶嚼勁，牛味濃郁
手打雙拼丸 $78/8粒：呢度嘅丸類又係另一樣我覺得必點的，當然係揀左手打蝦丸、手打墨魚丸，真係好好食！丸類十分大粒，食得出係手打貨，特別推薦蝦丸，食落啖啖蝦肉，好新鮮，係我食過最好食嘅蝦丸三甲墨魚丸一樣正，爽口彈牙，有墨魚味，完全冇粉感。雙拼抵食過單拼，所以我地都係點雙拼。其實我想講，蝦滑同墨魚滑都一樣出色，蝦味墨魚味都明顯，真材實料，留待下次人多我地再點。
頂級安格斯牛頸脊
9 views
0 likes
0 comments
頂級安格斯牛頸脊
14 views
0 likes
0 comments
頂級安格斯牛頸脊
10 views
0 likes
0 comments
手打雙拼丸
24 views
0 likes
0 comments
手打蝦丸
8 views
0 likes
0 comments
手打墨魚丸
19 views
0 likes
0 comments
魚片頭 $38：朋友好鐘意食魚片頭，相對其他配料當然係比較普通，中規中矩。
午餐肉 $38：餐肉切成條狀，一共6條，可能有啲人會覺得唔抵食，但我打邊爐必點嘅，而呢度嘅餐肉又係好好食，切得厚身，冇乜肥膏位。
滑豆腐 $28、油麥菜 $32：豆腐係另一樣必點配料，放落任何湯底都好食；油麥菜一片片插好，唔好以為好少，其實份量好足，夠三個人食。
王老吉 $15、汽水 $15：飲品選擇唔多，除左汽水，就係凍檸樂、咸檸七、王老吉、啤酒、竹蔗茅根，價錢就真係貴啲。
魚片頭
15 views
0 likes
0 comments
午餐肉
27 views
0 likes
0 comments
午餐肉
11 views
0 likes
0 comments
滑豆腐
6 views
0 likes
0 comments
油麥菜
8 views
0 likes
0 comments
王老吉、汽水
17 views
0 likes
0 comments
總括黎講，同我第一次黎一樣，朋友都好滿意呢間火鍋店，一路食都一路讚好食環境舒適，可能因為客人唔多，店員驟眼睇只係見到兩個，但非常賣力有禮，絕對冇怠慢客人，呢點我亦係十分欣賞人均三百左右，雖然較同區嘅任食火鍋價格為高，但唔知係咪我年紀大呢，愈黎愈怕放啲平得黎唔好食嘅野入口，一坐低就瘋狂畫畫畫、落單，然後限時限刻狂食。有時寧願俾多百零蚊食啲高質素嘅火鍋，同朋友慢慢傾下計食下野，睇住電視，舒舒服服。
Post
