Video
Read full review
2018-11-06
742 views
食過尖沙咀德美，一試難忘，再試大埔徳美應該傾情。今日入左大埔探朋友，講起食日本野，朋友就話附近有間日本野幾正，原來大家都不約而同講緊佢——「德美壽司」。裝修係好典型和式格局，以木材為主調，非常有居酒屋嘅感覺。餐牌亦有好多選擇，壽司刺身、鍋物料理，甚至串燒都有，我地就叫左幾樣野食。牛油果軟殼蟹卷 ($78)呢個真心必點，原隻軟殼蟹，非常大份！四大舊飯卷都包唔晒隻蟹，軟殼蟹炸到金黃香脆，都幾厚肉呀！加埋新鮮牛油果，認真不得了，一軟一脆嘅口感，牛油果嘅清新中和炸物嘅油感，非常夾，encore之選！七味燒墨魚咀 ($25)墨魚咀圓形成粒波咁，食落有d魚卜嘅口感，膠質比較重，但有幾爽口，好有趣！平常餐廳比較少見，值得一試！牛舌 ($39)牛舌燒得幾香口，加上少少黑椒調味，非常惹味。肉質爽口帶油香，牛味濃郁。什錦天婦羅 ($80)什錦天婦羅都好足料，包括有大蝦、茄子、南瓜、蕃薯同菇。炸得好脆身同乾身，食落粉薄無油感，師父控油能力都幾強呀！大蝦幾爽口大隻，茄子同茹外脆內軟，出色！食完仲有個布甸送，加埋酸甜嘅芒果醬又幾夾喎！Overall，我同友人都一致認同，呢間德美係可以再食再食再食，熟食方面十分出
食過尖沙咀德美，一試難忘，再試大埔徳美應該傾情。今日入左大埔探朋友，講起食日本野，朋友就話附近有間日本野幾正，原來大家都不約而同講緊佢——「德美壽司」。裝修係好典型和式格局，以木材為主調，非常有居酒屋嘅感覺。
餐牌亦有好多選擇，壽司刺身、鍋物料理，甚至串燒都有，我地就叫左幾樣野食。
牛油果軟殼蟹卷
$78
46 views
0 likes
0 comments
牛油果軟殼蟹卷 ($78)
呢個真心必點，原隻軟殼蟹，非常大份！四大舊飯卷都包唔晒隻蟹，軟殼蟹炸到金黃香脆，都幾厚肉呀！加埋新鮮牛油果，認真不得了，一軟一脆嘅口感，牛油果嘅清新中和炸物嘅油感，非常夾，encore之選！
七味燒墨魚咀同牛舌
36 views
0 likes
0 comments
七味燒墨魚咀 ($25)
墨魚咀圓形成粒波咁，食落有d魚卜嘅口感，膠質比較重，但有幾爽口，好有趣！平常餐廳比較少見，值得一試！
牛舌 ($39)
牛舌燒得幾香口，加上少少黑椒調味，非常惹味。肉質爽口帶油香，牛味濃郁。
什錦天婦羅
$80
36 views
0 likes
0 comments
什錦天婦羅 ($80)
什錦天婦羅都好足料，包括有大蝦、茄子、南瓜、蕃薯同菇。炸得好脆身同乾身，食落粉薄無油感，師父控油能力都幾強呀！大蝦幾爽口大隻，茄子同茹外脆內軟，出色！
布甸
28 views
0 likes
0 comments
食完仲有個布甸送，加埋酸甜嘅芒果醬又幾夾喎！
Overall，我同友人都一致認同，呢間德美係可以再食再食再食，熟食方面十分出色，時間火候控制得岩岩好。又坐得舒服，員工又會主動加水收碟，招呼週到。
Post
