Video
Read full review
2009-10-25
13 views
除非你會黃昏6點半前去食晚飯，如果唔係通常都會等平個鐘以上先可以喺呢度食倒飯 ; 加上LAST ORDER 係9點半，成日會覺得食得好趕咁，所以諗番對上一次食都好似係今年年頭。今日既然等0既人唔算太多，一於食下啦。呢度定食0既數量都唔少，而且定期都會轉下款，所以從選擇性黎講都算唔錯。定食平均每個80左右，價錢亦都算相宜，而是日同老婆叫左個涼拌菠菜、吉列豬扒定食同藍鰭吞拿魚定食。率先抵埗就係涼拌菠菜 - 其實佢菠菜又唔係真係話好多，不過配以乾魷魚片以及白飯魚，呢個配搭食起上黎既新鮮又香口 (因為落左魷魚片)，個人認為10蚊一碗仔都算係好抵食。不過，頭先個服務員放低個菠菜0既同時，好似冇留意我地係冇食具... ... 主角藍再遇藍鰭吞拿魚終於黎喇 - 隨定食附上漬物同埋麵豉湯。初頭諗住拿拿臨食左個漬物同麵鼓湯，因為心諗快D食個吞拿魚飯嘛，但係飲落個湯又覺得佢帶有適量0既麵鼓味之餘，又唔會點咸 (心諗比起最近去嗰間西灣河拉麵舖嗰個真係蚊比同牛比)。所以我飲左一啖之後就收左油，慢慢品嘗個麵豉湯先。終於都到主角喇! 吞拿魚飯配以紫菜、熟旦絲及青瓜絲。印象當中之前食好似冇放咁多配菜，不過都係一個新
呢度定食0既數量都唔少，而且定期都會轉下款，所以從選擇性黎講都算唔錯。定食平均每個80左右，價錢亦都算相宜，而是日同老婆叫左個涼拌菠菜、吉列豬扒定食同藍鰭吞拿魚定食。
率先抵埗就係涼拌菠菜 - 其實佢菠菜又唔係真係話好多，不過配以乾魷魚片以及白飯魚，呢個配搭食起上黎既新鮮又香口 (因為落左魷魚片)，個人認為10蚊一碗仔都算係好抵食。不過，頭先個服務員放低個菠菜0既同時，好似冇留意我地係冇食具... ...
主角藍再遇藍鰭吞拿魚終於黎喇 - 隨定食附上漬物同埋麵豉湯。初頭諗住拿拿臨食左個漬物同麵鼓湯，因為心諗快D食個吞拿魚飯嘛，但係飲落個湯又覺得佢帶有適量0既麵鼓味之餘，又唔會點咸 (心諗比起最近去嗰間西灣河拉麵舖嗰個真係蚊比同牛比)。所以我飲左一啖之後就收左油，慢慢品嘗個麵豉湯先。
終於都到主角喇! 吞拿魚飯配以紫菜、熟旦絲及青瓜絲。印象當中之前食好似冇放咁多配菜，不過都係一個新嘗試。發現旦絲都算唔錯，不過青瓜我個人就覺得一般了，而且配菜數量好似有D多...
至於主角藍鰭吞拿魚係有七片，雖然唔係好大片，但感覺仲未話好孤寒 (唔知係咪因為佢唔想放咁多吞拿魚，所以放咁多配菜...)，可能實在藍鰭吞拿魚個成本係會高D 0既 ...咬落去個質感同普通吞拿魚真係不能相提並論。即使佢個幾塊只係赤身，比未好似拖羅咁帶黎好大0既油脂感，但係較乾身0既佢都帶出一種新鮮鮮味0既感覺。
另外一讚係雖然客人較多，但係上菜0既速度都未算拖慢好多，而且依然帶俾我一種喺度食比較地道日本料理0既感覺。但係同樣因為客人多，服務員通常都好忙，所以落單、斟水等等動作0既效率都唔係太高，好似我請佢幫我斟水，佢真係幫左我斟，但係冇幫我老婆斟...可能係呢間餐廳0既關係，要求都相對提高左。不過總括而言，呢度食物質素都真係唔錯，位置亦算舒服，依然期待下次再黎。
Post
