燒烤堂 (Moved) New Location

之前都有係旺角的分店食過燒烤堂 今次嚟到cwb 朋友又話想食串燒 於是就決定試吓銅鑼灣嘅燒烤堂~ 呢一間嘅裝修同旺角好吾同 係好似日式居酒屋咁！Menu就大致一樣~ 都係有日式泰式麻辣系列嘅串燒 Prime牛小排 雞皮墨魚滑 蒜蓉焗蠔 蒜蓉牛油焗雜菇都係的最愛😍 牛小排上面有胡椒碎 入口鬆化 雞皮墨魚滑燒到脆一脆 好惹味！焗蠔同雜菇都有好多蒜蓉粒 雜菇仲好香牛油味😝另外我地仲叫左麻辣雞肉串 味道吾太辣 但都幾香！最有驚喜係呢個牛吞腩😍 肉質好爽口 調味適中 絕對對得上呢個價錢 貪得意仲試左個免治雞肉棒 雞肉滑嫩👍🏼星期五晚上都幾多人食 全場滿坐 好彩我地早到咋 食物依舊高水準！