牛一 (元朗廣場) (Closed)

約朋友到元朗廣場食晚飯，見到牛一新開張，一於就食牛一。朋友對牛一甚有好感，食過好多次，食物新鮮，環境舒服！入座前已經問定要咩湯底，所以坐到埋位好快就上湯底。我地叫左昆布湯底，清清地，算健康！因為我地叫左澳洲和牛Set，想品嚐牛肉既鮮味。澳洲和牛一客大約有6-7塊，雪花分佈平均。當湯滾起，滾5-8秒就食得，好滑，好易入口！豚肉都唔錯，有口感得黎唔會有渣。如果想食得清淡，可先放蘿卜、南瓜、冬瓜、粟米、蟲草花等等，再慢慢食和牛，的確唔錯！牛一既丸類算係選擇多，特別係墨魚丸，好味好彈牙！日式葛絲我最鍾意食！其實同薯粉差唔多，但葛絲比較清新，唔會有濟既感覺！食多d都唔怕啦！打完邊爐，食到好飽都有雪糕同乳酪做飯後甜品！今日有芒果味乳酪同雲尼拿味雪糕！加埋果凍粒好爽口！食完之後，個口都好舒服！原來元朗呢間分店有北海道黑豚腩片8片做緊會員價$38，係幾抵食既！下次一於試埋呢個！