紅蔥頭 (Closed)

放咗工約了朋友行荷里活廣場， 去到已經七點幾， 想食完晚飯才shopping， 但間間食肆都要排隊， 想起以前曾經食過紅蔥頭，位置在商場側邊， 希望人會少啲。如我所願， 人唔算多， 去到即刻有位， 侍應特別為我們趕快清理了一張二人卡位，服務唔錯。今期特別推出一個70年代懷舊晚餐 ，價錢好平， 但最後都選了個 229元二人套餐。沙律 +餐湯+牛油多士+香蒜西冷牛扒+巴薩酒醋燻鴨胸意粉+餐飲蔬菜沙律新鮮，加上黑醋芝麻醬， 味道清新 如果份量多些更好餐湯叫了甘筍忌廉湯和羅宋湯， 甘筍味淡而且唔夠creamy， 羅宋湯ok， 番茄味濃帶少少辣蒜蓉多士脆又熱意粉醬汁醋味濃酸酸甜甜開胃， 但意粉硬又乾，可惜！ 鴨胸不太薄，有口感西冷扒叫了七成熟， 肉質較韌，味道偏鹹飲完杯熱檸茶， 趕住去shopping了。