一鍋堂 (XX Arcade) (Closed)

今日天時凍，所以決定同屋企人去食返個打邊爐。最後黎左一鍋堂食放題。我地叫左C餐，湯底揀左推薦嘅冬陰功湯。呢個湯底真係非常惹味！酸酸地有帶啲辣，超級開胃，同埋佢仲有少少嘅香茅味，成個湯底都非常泰式👍🏻食落開胃得黎又唔會濟。餐廳整體環境都非常乾淨，staff都好好人成日過黎幫手。而熟食區都有好多唔同嘅食物選擇，我就夾左佢地嘅炸牛奶卷同炸饅頭，全部都酥酥脆脆同埋好香，加埋啲煉奶就更加美味。見到佢仲有麻辣鴨血，鳳爪嗰啲可以食，好多唔同選擇。C餐有得食佢嘅安格斯牛肉，牛肉好嫩同埋牛味好濃郁，油脂分佈都好均勻👍🏻蔬菜都幾新鮮，仲有好多唔同種類。佢地自家製嘅飲品都好好飲，唔會過甜，味道剛剛好，一路打邊爐一路飲都幾消濟👍🏻今次食左佢地雪糕櫃入面嘅gelato，柚子乳酪味好清爽解膩。香芋味就好香濃，食完仲想再食！