Lava Java 咖啡西餐廳 (Closed)

最近天氣終於轉凍， 朋友相約放工後前往觀塘，去到觀塘行完街買完嘢，當然就要搵地方食嘢。去到觀塘首選一定係工廈之旅。不過今次又想食啲暖身啲嘅嘢，又唔想好似平時咁悶打邊爐，朋友就介紹芝士火鍋。我們點了二人套餐，Lava芝士火鍋配雞肉，鮮蝦，法包粒，西蘭花，珍珠筍，車厘茄和薯條。 配料已經好豐富，雖然份量唔係好多，不過配合埋芝士火鍋，飽肚度加十倍。芝士拉絲效果十足，視覺滿分。套餐還有軟殼蟹南瓜汁意大利飯， 軟殼蟹炸得香脆，至於南瓜汁意大利飯，口感不錯， 味道帶甜。今晚見到好多人都係散叫西餐，下次再嚟食都要試一試。