Cafe Balencia (Closed)

經過N次從沒幫襯, 這類高檔麵包店一個包最少都要八至十蚊, 對我這類小市民來講實在太貴.有次放工趕去新世紀睇戲, 由於時間緊迫, 諗住買個包頂肚.最後麵包放棄了,反而買了三粒冬甩球, 入場前快快影張相...三粒不同口味, 兩個芝麻餡, 一個吉士餡.口感煙韌, 但味道一般無特別; 好彩芝麻餡分量適中又夠香, 挽回少少分數.另一粒則吉士餡過多, 變得過甜.小小的三粒, 食完兩粒已經覺得滯.是次感覺一般, 而且都算貴; 或者下次再試其他產品.