泰嘟嘟

Open Now

Now Closed

雖然依家受疫情影響少左出街，但飯都要食既，今日揀左呢間係大角咀既泰國野同朋友share食個下午茶。我朋友好鐘意飲冬陰公又鍾意食金邊粉，所以叫咗個冬陰功海鮮湯金邊粉，冬陰公辣得黎好鮮味，d金邊粉仲要軟硬適中，d海鮮都好正，蝦爽口彈牙。個湯真係好掂，一定會再黎食佢。之後仲叫左半打雞肉串燒沙嗲，肉質鮮嫩，配埋沙嗲醬好惹味，$88就有6串，幾抵食。小食仲叫左炭燒豬頸肉，唔會好肥膩，仲有口感，有火熱住仲可以保持溫度唔會凍左。