越北牛肉粉專門店

Open Now

Now Closed

呢間黎過幾次，次次都係－冷氣超大！！而家夏天，著左件外套都仲係覺得凍，尤其係店內較入或較角落頭既位而家疫情，店會提供口罩紙袋同濕紙巾比你，擺係每張枱上面，呢點做得幾好。覺得冷氣太大到頂唔順，就搵侍應幫手換位，當時係2點幾，門口都有位，就換左去果邊。但係門口對正馬路，太熱了。成間店一係就太凍，一係就太熱，想點。好啦嗌左野食，2點幾應該無lunch time咁忙，點知等左好耐，20分鐘都未有！咁唯有催下佢。生牛肉河結果成半個鐘先黎到。已經無前幾年咁好食，質素下降晒。d牛一d味都無，又乾。湯以前係幾好飲的，而家變到好普通。牛又少，靠個兩舊蘿白墊高奶茶味道奇道奇怪，唔加糖好苦，加左成包糖，仲係有陣怪味，唔係你平時飲開既奶茶。總而言之，服務一般，野食又慢，又唔好食，環境一係極凍一係極熱（你當下仲要食住碗熱辣辣既麵），真係唔值得幫襯。