板長壽司 (Closed)

係尖沙咀行街行到唔記得左時間，下午茶時間先黎揾食，元氣排哂長龍，行遠啲間板長完全無客唔使等，算，轉場食板長。全場只有兩枱客同一位坐bar枱，被安排坐牆邊一張雙人枱，又細又迫，好彩隔離全部枱都無人坐，可以坐過啲。侍應好快送上茶，茶包無味，水亦唔滾，難飲！叫左少少野，呢度話明係手握壽司，所以好睇個師傅嘅功架，是日師傅好似唔多掂，舊舊壽司一夾即散。最快到嘅蝦同蠔壽司，蝦有點乾身，蠔ok。等左一陣黎黎，三文薄切，甜蛋硬，墨魚軟骨好食。半個鐘後先黎嘅軍艦，麻麻。味道一般以下，唔知係咪客少唔太新鮮，合格嘅但唔稱得上好味囉。明明用pad落單但唔知點解都係漏單，黎左第一盤之後等左廿分鐘都無野到，問侍應佢地掛住玩，淨係睇電腦話有單，我知，部pad都show到出黎囉，唔該哂。無客都係零service，sorry要負評了。