八沢 (霎東街) (Closed)

喺筲箕灣分店食過，今晚行開銅鑼灣又想黎食。發現兩間分店既食物都有d唔同，哩間更多選擇，好多都好吸引。店內哩幅手繪畫好靚，增添日本色彩。黑蒜炙燒極濃豚肉烏冬 $87單睇個名都看得好濃味好正，適合喜歡食濃湯口味湯烏冬既人。鐵鍋上台夠晒熱，好香，流心蛋亦好吸引。烏冬滑身掛湯，啖啖烏冬沾上蒜香味超正。炙燒豚肉香口爽口，配菜有黑木耳同筍片，好食！肥牛冷烏冬 $72冷烏冬既口感更加彈牙，天氣咁熱食冷烏冬最適合，整體鮮新，個人特別喜歡胡麻醬。叫左2款小食，明太子雞翼$36同炸豬扒$40。明太子微辣，雞翼炸得好香亦保留肉汁。吉列豬扒亦都唔錯。