洪記粥品 (廣福里)

Open Now

Now Closed

▶️呢兩日凍冰冰🥶除咗想食煲仔飯，都想食番碗熱辣辣嘅粥，唔知大家覺唔覺得而家要係自己區搵間粥店好難，剛好呢間係我返工嘅區👍狀元及第生滾粥上網一查先知豬內臟又稱「雜底」，美化為「及第」，影完相先食都熱辣辣，真係生滾粥先做到👍食落口好軟綿，好多配料：肉丸、肉片、豬心、豬潤、豬粉腸同豬肚，內臟處理得幾好，鮮味唔騷，爽脆唔會韌😋成碗粥食得好舒服☺️炸兩腸粉腸粉皮夠滑，油炸鬼保持到外軟內脆，再配埋重醬重芝麻，好難唔好食🤣凍豆漿有豆味，唔會太甜，清清地幾好飲，最緊要係香港製造👍🌟乾淨企理嘅一間粥舖，坐得舒服，凍冰冰食碗熱辣辣嘅粥真係冇得輸👍店員好貼心，我叫碗粥走蔥，佢問埋我使唔使走埋蔥頭同薑☺️