Video
Read full review
2024-06-08
342 views
6月首個星期六、日（1-2/6）南豐紗廠有朱古力甜品祭，於是同狗狗、狗狗爸爸專程過嚟，先俾低錢買曬所有心儀的朱古力甜品，跟住就搵嘢食同飲嘢。飲品特別想試呢間coffee shop ，除咗佢啲機器好似好架勢外，店外仲有好多座位，可以人狗一齊坐。狗狗爸爸唔飲咖啡/茶，落單時店員提到冇smoothie，所以只好點一貫的凍朱古力。Cocoa dirty：本來想點dirty，店員推介有埋可可而且「無糖」的dirty，售價仲同dirty一樣$42，兼可以轉埋燕麥奶。店員介紹話飲品有4樣材料：可可、咖啡、鮮奶同燕麥奶，而我就要求將鮮奶改為燕麥奶。不過，埋單後，店員再過嚟問我係咪對牛奶敏感，因為「朱古力入面有牛奶」，所以我估計有機會佢唔係用無糖可可粉沖，可能係用sweetened dark chocolate，至於實際係點樣製作就唔太清晰。入口覺得係甜（店員表示的「無糖」，估計除咗可可外，無額外再添加糖），朱古力味明顯，同時亦有咖啡味；飲品用紙杯裝，欣賞唔到dirty的層次變化，不過，飲品送上冇耐，2種味道同埋奶亦經已混合咗。整體嚟講，cocoa dirty平衡到朱古力同咖啡2種口味，而單用燕麥奶沖亦
飲品特別想試呢間coffee shop ，除咗佢啲機器好似好架勢外，店外仲有好多座位，可以人狗一齊坐。狗狗爸爸唔飲咖啡/茶，落單時店員提到冇smoothie，所以只好點一貫的凍朱古力。
Cocoa dirty：本來想點dirty，店員推介有埋可可而且「無糖」的dirty，售價仲同dirty一樣$42，兼可以轉埋燕麥奶。店員介紹話飲品有4樣材料：可可、咖啡、鮮奶同燕麥奶，而我就要求將鮮奶改為燕麥奶。不過，埋單後，店員再過嚟問我係咪對牛奶敏感，因為「朱古力入面有牛奶」，所以我估計有機會佢唔係用無糖可可粉沖，可能係用sweetened dark chocolate，至於實際係點樣製作就唔太清晰。入口覺得係甜（店員表示的「無糖」，估計除咗可可外，無額外再添加糖），朱古力味明顯，同時亦有咖啡味；飲品用紙杯裝，欣賞唔到dirty的層次變化，不過，飲品送上冇耐，2種味道同埋奶亦經已混合咗。整體嚟講，cocoa dirty平衡到朱古力同咖啡2種口味，而單用燕麥奶沖亦唔淡，幾creamy，呢杯飲品比mocha更濃味。
Cocoa dirty
$42
11 views
0 likes
0 comments
凍朱古力：超貴，$55！雖然我哋要求少冰，但送嚟時冰塊佔~1/3杯，已經心知不妙~~不過，講番轉頭，店員係有俾心理準備我哋。落單時，除咗咖啡、茶，已經冇其他飲品選擇，我問店員：「凍朱古力夠唔夠濃味？得唔得？」，佢面有難色，隱晦回應：「同一般差唔多~」呢杯飲品絕對差過茶餐廳，冰都未融已經係淡而無味，竟然賣$55，真係好離譜。建議唔飲咖啡的朋友索性飲水陪坐，千祈唔好亂點。
凍朱古力
$55
9 views
0 likes
0 comments
總括嚟講，店外座位多但排得密；咖啡好飲但體驗一般，因店外所有食物、飲品一律用即棄餐具；店員服務唔錯，真誠，唔會唔好飲話好飲；咖啡的價格公道，以南豐紗廠的消費嚟講算係抵，但個凍朱古力太唔掂，送都唔想飲。。。
🐕狗狗食評：呢度冇咩啱我食，但我見到好多同伴，所以都開心。
Post
