Video
Read full review
2020-11-07
239 views
❀ Ann Mamma Thai kitchen by 張秀玲 #荃灣 ❀❗️幾乎冇劣評 抵食到爆裝修似Cafe泰國菜❗️——————————————————話說好多年前經過呢間餐廳就已經覺得好特別，當時仲未有咁多打卡裝修靚嘅Cafe餐廳，所以呢一間喺荃灣街市附近裝修清新嘅泰國菜都幾奪目，而且每次都諗緊究竟邊個係張秀玲😂事隔多年終於去試，發現原來超級抵食，味道絕對唔差💓而且仲有上下兩層，非常之大！.✷𝑀𝑒𝓃𝓊✷☞ 烤雞青木瓜沙律配白飯 $68個青木瓜沙律已經大過平時一份普通青木瓜沙律，仲要配埋雞同埋白飯，女仔係完全冇可能食晒😲。烤雞雖然稱唔上好突出，只係普通用咗豉油去醃製，但都算滑，而且勁多件，絕對係午市超抵食之選👍🏻！味道: 4.2/5 性價比: 4.7/5.☞ 帕能咖喱牛腩配白飯🍛$78 平時較少見帕能咖喱，其實係其中一種紅咖喱，味道香濃，鹹香得來帶點甜，在浸透花生嘅香氣，用嚟配飯一流🍚。牛腩亦燘到非常之入味同腍身，絕對值得一試！味道: 4.3/5 性價比: 4.6/5.☞ 泰國雞棗🍢$28呢個幾有驚喜！齋睇個樣以為係啲好乾身嘅肉丸，點知外層夠脆，內裏肉質感覺幾強，香料味十足，尤其係香
❗️幾乎冇劣評 抵食到爆裝修似Cafe泰國菜❗️
——————————————————
話說好多年前經過呢間餐廳就已經覺得好特別，當時仲未有咁多打卡裝修靚嘅Cafe餐廳，所以呢一間喺荃灣街市附近裝修清新嘅泰國菜都幾奪目，而且每次都諗緊究竟邊個係張秀玲😂事隔多年終於去試，發現原來超級抵食，味道絕對唔差💓而且仲有上下兩層，非常之大！
.
✷𝑀𝑒𝓃𝓊✷
☞ 烤雞青木瓜沙律配白飯 $68
個青木瓜沙律已經大過平時一份普通青木瓜沙律，仲要配埋雞同埋白飯，女仔係完全冇可能食晒😲。
烤雞雖然稱唔上好突出，只係普通用咗豉油去醃製，但都算滑，而且勁多件，絕對係午市超抵食之選👍🏻！
味道: 4.2/5 性價比: 4.7/5
烤雞青木瓜沙律配白飯
$68
226 views
0 likes
0 comments
.
☞ 帕能咖喱牛腩配白飯🍛$78
平時較少見帕能咖喱，其實係其中一種紅咖喱，味道香濃，鹹香得來帶點甜，在浸透花生嘅香氣，用嚟配飯一流🍚。
牛腩亦燘到非常之入味同腍身，絕對值得一試！
味道: 4.3/5 性價比: 4.6/5
帕能咖喱牛腩配白飯
$78
104 views
2 likes
0 comments
帕能咖喱牛腩配白飯
$78
135 views
0 likes
0 comments
.
☞ 泰國雞棗🍢$28
呢個幾有驚喜！
齋睇個樣以為係啲好乾身嘅肉丸，點知外層夠脆，內裏肉質感覺幾強，香料味十足，尤其係香茅味真係非常突出🤩！
推薦呢款小食。
味道: 4.4/5 性價比: 4.3/5
泰國雞棗
$28
120 views
1 likes
0 comments
.
☞ 椰汁芒果糯米飯🥭$25
芒果夠甜不過就嫌少左啲。
特別地用咗斑斕糯米飯，但可能預先整定，所以成個飯比較黏實，感覺似粢飯🙈。
味道: 3.9/5 性價比: 4/5
椰汁芒果糯米飯
$25
105 views
1 likes
0 comments
.
整體來講，呢間泰國菜絕對係平價高質之選😚環境亦比一般嘅泰國餐廳舒適。雖然冇好特別嘅菜式，但簡簡單單食餐平嘅泰國菜絕對唔會失望👍🏻。
Post
