正宗山西刀削麵皇

Open Now

Now Closed

呢間刀削面暫時係我最欣賞既一間，叫左個豬腸牛腩刀削面同蒜泥薰蹄，最鍾意佢個湯永遠都夠熱先，食面呢樣好重要，個刀削面係薄身會吸好多湯，而且應該同個湯一齊煮過，所以面條都會有味，唔會咁淡，個豬腸係好好味，厚切又入味，牛腩普通，但都算入味同埋夠冧。仲叫左個好鍾意既蒜泥薰蹄，但食個陣要小心啲，如果太大啖蒜泥會好辣，辣到上腦。啲蒜泥好似撈左啲醋，所以會有種獨特既味道，同埋個難薰蹄食，帶點酸，加埋勁蒜味真係超正，而且個薰蹄分量好多，兩三個人share就差唔多。期望下次再食其他野。