鴻星中菜 (Closed)

今日放工約咗個朋友飲茶，見到鴻星酒樓個牌，於是唔理咁多，走咗上去諗住等位，出乎意外唔洗等，上到去已經有人帶位！我們叫咗普洱茶，飲落感覺幾好，幾有口感，香濃而且好滑，都幾有茶味，而且唔係好鞋口同苦澀。我們叫咗幾個簡單常見既點心就算，都係叉燒腸、燒賣、春捲。可能因為唔係太多人，菜好快就黎到。叉燒腸賣相唔錯，皮薄而且都幾滑，叉燒幾新鮮，半肥瘦，水準之上。另外，春捲都唔差，熱辣辣，主要係用蘿蔔絲做餡料，外面香脆，而內裡都鬆軟，值得一食！而燒賣賣相同一般酒樓分別不大，但Ｄ肉都算系新鮮，但十塊錢一粒，性價比不算太高，但係中意食燒賣既朋友都不妨一試。總括而言，都唔算太貴，坐得舒服又不是太嘈，幾適合兩個人靜靜地談天。