陸拾六 (Closed)

凡事沒有絕對，只有相對。猴子從小便著迷於愛恩斯坦的《相對論》，經常反覆思考及論證。今天吃的這個西西里鮮茄焗厚切豚肉扒飯，正好又是另一個例子。一塊豬扒是「厚」還是「薄」其實沒有絕對，只有相對。所以猴子不能說這個厚切豚肉扒飯的豬扒「薄」，只能說它「相對地薄」，或者「相對地冇咁厚」，尤其對比起放在店外的餐牌相片，這種感覺更加鮮明。說回味道，鮮茄和芝士焗到啱啱好，酸酸甜甜非常開胃，撈埋晶瑩飽滿的珍珠飯一齊食，香味直情湧上鼻。豬扒本身雖然夠入味，但因為它「相對地唔厚」，所以味道輕易被蕃茄和芝士蓋過，而且沒有「大啖大啖咬落去」的快感，滿足感方面要扣分。價錢方面，HK$46唔算貴，而且免加一，座位夠舒適，算係幫趁得過。