Cow Bean (康怡廣場) (Closed)

一家五口今日去康怡行開街，咁啱感謝日。太耐冇去shopping行到攰。上到3樓。聞到好香嘅牛扒味道。見到唔係好多人排隊睇完餐牌就索性試下。個餐牌已經好色彩繽紛。等咗唔夠10分鐘已經有位。入到去見到個個都食鐵板好香好吸引。我哋一家人乜都試啲叫咗個牛肩胛，白豚肉片🐷由店員推介M7 和牛。🥩及兒童餐，加$39 或$49有套餐任選三款我自由配搭。好特別嘅係牛扒成數由自己控制。出到嚟係三至四成。M7同牛肩胛都好Juice。咁嘅價錢食到咁嘅牛扒不算太貴，兒童餐上枱嘅事時候我嘅小朋友好開心😃。啲薯條熱辣辣，仲要有玩具送我個小朋友食得好開心。加$28仲有個咖啡蛋糕, 蛋糕不太甜咖啡味很香🍰🍰🍰整體食物都有8分服務亦都很好，員工都教我哋點樣切個牛扒仲叫我哋小心啲鐵板好熱。要小心小朋友。初初我哋唔識切。仲幫我哋切埋。第二塊我哋已經掌握到。好味道😋😋😋個個員工都有禮貌。好勤力。但係唯一美中不足，冷氣不夠值得推介嘅一間餐廳👍