Video
Read full review
2012-10-31
976 views
見佢哋近排有少少劣評！不過都試一下，book咗餐生日飯送俾媽媽！我唔寫嗰d咕嚕肉呀!嗰d炒菜呀!淨係寫下d特別d嘅菜！頭盤先黎個凍嘅拼盤，唔記得叫乜，不過有八爪魚，海蜇呀咁，ok正!跟住黎一隻童年白切雞！無錯，有兩隻脾嘅！點解我咁講？因為我見到其他食客話無雞脾，我覺得奇怪啫！唔通我阿媽生日所以留番兩隻脾俾我哋？叫半隻雞有一隻脾，一隻雞有兩隻脾，咁你哋叫例牌，可能係上半部，無脾架喎！Anyway, 個薑蓉無得彈！味道剛剛好！到湯，當然係豬肺湯啦! 超清超甜！正！砵酒蠔，明明以前好似係$35隻，而家$198一桶，我問店小二“做乜好似貴咗？"佢話供應商d蠔一桶裏面有大有細，有時一桶入面有一兩隻超大，有六隻細!既然俾人投訴，不如改做一桶一桶咁賣！哦…原來如此！佢重好禮貌咁話其實無貴到，好啦!兩桶！蒸蟶子, 同出面差唔多啫！如果可以少d油就perfect喇！Wasabi 牛柳，係好食，不過真係細碟咗少少！我心諗---可惡的通漲! 唉…可能係閒日又十點半，無乜人，我見個阿姐坐喺度搣杏仁！個阿姐重話養顏，唔駛講嘢啦!一人一杯！熱嘅唔該！戲肉黎啦! 個搣杏仁阿姐攞住個生日蛋糕出黎重唱埋生日歌！攞命！我
我唔寫嗰d咕嚕肉呀!嗰d炒菜呀!淨係寫下d特別d嘅菜！
頭盤先黎個凍嘅拼盤，唔記得叫乜，不過有八爪魚，海蜇呀咁，ok正!
跟住黎一隻童年白切雞！無錯，有兩隻脾嘅！點解我咁講？因為我見到其他食客話無雞脾，我覺得奇怪啫！唔通我阿媽生日所以留番兩隻脾俾我哋？叫半隻雞有一隻脾，一隻雞有兩隻脾，咁你哋叫例牌，可能係上半部，無脾架喎！Anyway, 個薑蓉無得彈！味道剛剛好！
到湯，當然係豬肺湯啦! 超清超甜！正！
砵酒蠔，明明以前好似係$35隻，而家$198一桶，我問店小二“做乜好似貴咗？"
佢話供應商d蠔一桶裏面有大有細，有時一桶入面有一兩隻超大，有六隻細!既然俾人投訴，不如改做一桶一桶咁賣！哦…原來如此！佢重好禮貌咁話其實無貴到，好啦!兩桶！
蒸蟶子, 同出面差唔多啫！如果可以少d油就perfect喇！
Wasabi 牛柳，係好食，不過真係細碟咗少少！我心諗---可惡的通漲! 唉…
可能係閒日又十點半，無乜人，我見個阿姐坐喺度搣杏仁！個阿姐重話養顏，唔駛講嘢啦!一人一杯！熱嘅唔該！
戲肉黎啦! 個搣杏仁阿姐攞住個生日蛋糕出黎重唱埋生日歌！攞命！我掛住笑都唔記得影相！
最後老板娘送咗兩個壽飽仔俾我哋！因為我哋book枱嗰時無講話係生日！老板娘話好彩重有兩個咋！都好啦!大家如果生日，記得book枱嗰陣話係生日飯呀!
Other Info. :
其中有隻超大肥蠔，攪到一桶得返一超超超大三隻細！當然係俾咗我阿媽啦!
(The above review is the personal opinion of a user which does not represent OpenRice's point of view.)
Post
