Video
Read full review
2007-05-24
20 views
講真，我自己係客家人，但都唔好清楚有咩特色菜，我只知黃酒煮雞同埋蚊豬腩肉，哈哈！我知道聯和墟有一間幾出名飯店係食客家菜，身為粉嶺之友，終於有機會試！正宗客家黃酒炒雞- 半隻($88)喱個好香口，我好鍾意味道，再多酒味仲好，但雞就碎，大件就開心。魚腐煮時菜喱個係侍應推介，但魚腐咸，清清都唔錯。豆豉鯪魚煮大豆芽($38)o.k.啦，喱個唔咩難整菜式，但豆豉鯪魚油麥菜就食得多，豆豉鯪魚煮大豆芽就係第一次食。咸菜紅炆豬肉($45)哎呀！肥淋淋！坦白講，肥豬腩肉我就唔食架啦！但咸菜& 汁真係好正，送飯一流。豬油砵仔撈飯($8)砵仔飯好香口，不過唔算太大砵，我諗男士要食2砵先夠。同大榮華一樣自己撈，但豬油好稀，唔似大榮華咁傑。 我5個人，食4個都好夠，份量都算o.k.，味道都唔錯，係油膩，我諗間舖都有一定捧場客，佢話紅日要訂位。
我知道聯和墟有一間幾出名飯店係食客家菜，身為粉嶺之友，終於有機會試！
正宗客家黃酒炒雞- 半隻($88)
喱個好香口，我好鍾意味道，再多酒味仲好，但雞就碎，大件就開心。
魚腐煮時菜
喱個係侍應推介，但魚腐咸，清清都唔錯。
豆豉鯪魚煮大豆芽($38)
o.k.啦，喱個唔咩難整菜式，但豆豉鯪魚油麥菜就食得多，豆豉鯪魚煮大豆芽就係第一次食。
咸菜紅炆豬肉($45)
哎呀！肥淋淋！坦白講，肥豬腩肉我就唔食架啦！但咸菜& 汁真係好正，送飯一流。
豬油砵仔撈飯($8)
砵仔飯好香口，不過唔算太大砵，我諗男士要食2砵先夠。同大榮華一樣自己撈，但豬油好稀，唔似大榮華咁傑。
我5個人，食4個都好夠，份量都算o.k.，味道都唔錯，係油膩，我諗間舖都有一定捧場客，佢話紅日要訂位。
Post
