火鍋撚 (染布房街) (Closed)

首先嗌咗個蜂巢湯底，聞上去有啲藥膳味，香得嚟食落又唔會好突兀。湯底包咗鴨血同埋豆腐，份量都唔少，食物入味又唔會太濃，飲埋湯底更enjoy。今餐主要想食多啲肉類，肥牛、牛肉粒、豚肉，水準都唔錯，刀工又ok，切到啲肉好薄，一落鑊就熟。特別要讚下個田雞，叫咗半份（一隻），應該係即劏，上枱嗰陣仲識得抽搐，而且處理得幾好，身上面冇乜血水，熟咗之後加埋啲汁簡直一流。另外，都嗌咗啲丸、餃子、同埋墨魚滑。呢啲小食全部水準都唔錯，而且啲丸仲識爆漿。飲咗一枝台灣嘅手工啤酒，叫做「小滿」，味道相當有特色，有陣冬瓜茶獨有嘅香氣，絕對係物有所值。