火鍋撚 (日富里百好大廈) (Closed)

一直都覺得火鍋撚都幾好，出名食物新鮮，分店又多😍今日嚟到西環呢間新店，餐廳唔算大，勝在燈光光猛，樓底都幾高，唔會侷促👍🏻近排成日口淡淡嘅我哋，選擇咗酸菜白肉鍋，切得薄如蟬翼嘅豬肉片，肉質都唔錯，冇乜雪藏味。全部火鍋料都可以選擇半份和全份，個人就覺得全份CP值高啲😆。✨炸午餐肉～外層炸得非常香脆，點一下酸酸地嘅湯底，開胃又無得油膩，口感好特別！✨醬爆黑松露牛丸～鍾意食黑松露嘅一定好喜歡，輕輕一咬開，中間嘅黑松露醬流晒出嚟，香氣滿瀉。✨鮮蝦雲吞～全份嘅雲吞有六粒，圓型一粒粒，都非常飽滿，蝦肉爽口彈牙，好唔錯❤️最尾甜品仲有送上凍冰冰嘅仙草芋圓，滿足哂🥰