Video
Read full review
2011-04-23
151 views
真係多年都無飲早茶喇 ~ 琴晚飲得太多，要快快食啲野，希望可以盡快舒服啲 ~ 食飽返屋企再瞓。原本諗住會好多食客添，黎到位都唔洗等，走入大堂坐低 ~ 奇怪地全場無後生仔女，大部份食客都年過四十，可能今日係閒日啦，個個都返工返學 ~鐵觀音，茶葉唔夠靚，無靚鐵觀音既清香味道，免強接骨啦。北菇棉花雞，點解咁乾既，水都無滴，唔通被魚肚吸收晒，又唔係喎，連魚肚都乾乾地。點解啲雞柳會有一層杰逹逹既芡汁包住既，仲幾咸吓。真係好靈異，未食過咁既棉花雞，唯中最正常係粒北菇囉。瑤柱百花釀節瓜甫，瓜還瓜、圃還圃，始終經常有此事發生。蝦膠好鮮好彈牙，做得非常好，再加乾瑤柱絲就更鮮味。節瓜都係連蝦膠一齊隔水蒸熟，只有原身既瓜味，無咩其他味道，最好先用高湯餵熟再蒸就最好食。春蛋燒賣，乾蒸春蛋燒賣，一滴水都無，咬落舊豬肉度都係好乾，雖然肉味濃，肥瘦比例都適中，但無咩肉汁囉，口感乾。鵪春蛋都係咁啦，無咩特別。奶皇包，平凡無驚喜，亦唔係流沙，淡淡甜味、淡淡蛋甜，對唔食甜既我幾好。柴魚花生粥，味道似雞粉粥底，口感杰但又未到棉滑，覺得煮到好馬虎，始終賣粥既地方會好過酒樓，酒樓係食小菜點心架呢。鳳爪排骨飯，nonono ﹗唔
鐵觀音，茶葉唔夠靚，無靚鐵觀音既清香味道，免強接骨啦。
北菇棉花雞，點解咁乾既，水都無滴，唔通被魚肚吸收晒，又唔係喎，連魚肚都乾乾地。點解啲雞柳會有一層杰逹逹既芡汁包住既，仲幾咸吓。真係好靈異，未食過咁既棉花雞，唯中最正常係粒北菇囉。
瑤柱百花釀節瓜甫，瓜還瓜、圃還圃，始終經常有此事發生。蝦膠好鮮好彈牙，做得非常好，再加乾瑤柱絲就更鮮味。節瓜都係連蝦膠一齊隔水蒸熟，只有原身既瓜味，無咩其他味道，最好先用高湯餵熟再蒸就最好食。
春蛋燒賣，乾蒸春蛋燒賣，一滴水都無，咬落舊豬肉度都係好乾，雖然肉味濃，肥瘦比例都適中，但無咩肉汁囉，口感乾。鵪春蛋都係咁啦，無咩特別。
奶皇包，平凡無驚喜，亦唔係流沙，淡淡甜味、淡淡蛋甜，對唔食甜既我幾好。
柴魚花生粥，味道似雞粉粥底，口感杰但又未到棉滑，覺得煮到好馬虎，始終賣粥既地方會好過酒樓，酒樓係食小菜點心架呢。
鳳爪排骨飯，nonono ﹗唔記得左上次食過麻麻地，無啦啦又叫多次，食兩啖掉低唔食喇。飯濕唔乾爽，正宗蒸飯既白米要係幾種混埋黎煮，每間飯店都唔同架，所以口感、質地同香味都好唔同。排骨無咩肉食，骨多又瘦猛猛，味道醃得好濁，不香不甜，口感鞋又唔軟腍。靈魂既甜豉油香甜不足。
Post
