芽莊越式料理

Open Now

Now Closed

行咗一日，諗住搵個地方坐低慢慢食一餐，見到越南菜諗住穩陣啦就入咗去。點知佢話有限時，都算啦唔想周圍搵位，入到去裝修靚但係窄到好似晏晝食茶餐廳咁。我地叫咗個生牛肉湯河同番茄蟹湯檬。啲嘢到得幾快，牛河賣相普通，牛肉份量合理，但係河粉唔夠。越南湯河最注重就係個湯，但係食咗幾啖到食唔出係咩味，大大啖飲個湯都冇乜美咁，除咗懷疑味精味。成碗野冇質素可言，連街邊食都可能好味過佢。再嚟個番茄湯仲突破，諗住飲啖番茄湯，一入口又係同一隻鹹味，得好淡嘅茄味，所以好懷疑係用同一隻味精，真係肚餓都食到唔食。如果係街邊平平地三十蚊一碗都話可以過得去，喺呢度食就真係太過分。如果你肯比呢個價錢坐呢度咁就嚟食啦。