Video
Read full review
2016-07-01
2832 views
海膽熱潮一浪接一浪，聽講呢度有成板海膽撈飯食，價錢大約100蚊，好似幾吸引～就去試下。小店好近地鐵站，一出就到，不過小心附近有啲棚架。門外有店員整緊燒物，加上舖頭嘅裝修都算有日本風味。叫左必點嘅海膽飯，再加幾個小食。海膽飯秒速送上～泥之前做左功課，啲人建議攤一攤，等佢無咁冰，會好食啲。同朋友影住相等嘅時候，話咁快其他小食就陸續上枱，反正都未開餐，先由甜甜地嘅燒菠蘿倒序咁食。菠蘿表面帶微焦，咬落香甜多汁，仲幾厚身下，算唔錯。燒秋葵呢個貪得意試下，表面有啲燒汁痴住，然後入面就係秋葵本身嘅甘味，仲有少少爽脆，但都係覺得撈麻醬好食啲～等得差唔多，撈一撈個蛋黃先，同海膽一樣金黃色，用紫菜好似軍艦咁包住啲飯，飯面放海膽，「唔～好軟綿綿啲海膽」果然要攤一攤。店員話啲海膽係韓國泥嘅，無腥味，都無怪味喎，海膽味雖然唔係太濃郁，但食得出個甜味，尚算鮮甜，對比前兩樣燒物，較有驚喜。而且食法多樣，包紫菜得，唔包又得，就咁食海膽得，點少少wasabi食又得，每一啖都可以唔同食法，玩得開心自然食得滿足～最後以三文魚燒飯團作結，呈冬甩形狀，有啲特式，唔食得都睇得～擺入口，「點解咁嘅！點解無味嘅！」唔係～～～表面有汁
小店好近地鐵站，一出就到，不過小心附近有啲棚架。門外有店員整緊燒物，加上舖頭嘅裝修都算有日本風味。
叫左必點嘅海膽飯，再加幾個小食。海膽飯秒速送上～泥之前做左功課，啲人建議攤一攤，等佢無咁冰，會好食啲。
同朋友影住相等嘅時候，話咁快其他小食就陸續上枱，反正都未開餐，先由甜甜地嘅燒菠蘿倒序咁食。菠蘿表面帶微焦，咬落香甜多汁，仲幾厚身下，算唔錯。
燒秋葵呢個貪得意試下，表面有啲燒汁痴住，然後入面就係秋葵本身嘅甘味，仲有少少爽脆，但都係覺得撈麻醬好食啲～
等得差唔多，撈一撈個蛋黃先，同海膽一樣金黃色，用紫菜好似軍艦咁包住啲飯，飯面放海膽，「唔～好軟綿綿啲海膽」果然要攤一攤。
店員話啲海膽係韓國泥嘅，無腥味，都無怪味喎，海膽味雖然唔係太濃郁，但食得出個甜味，尚算鮮甜，對比前兩樣燒物，較有驚喜。而且食法多樣，包紫菜得，唔包又得，就咁食海膽得，點少少wasabi食又得，每一啖都可以唔同食法，玩得開心自然食得滿足～
最後以三文魚燒飯團作結，呈冬甩形狀，有啲特式，唔食得都睇得～擺入口，「點解咁嘅！點解無味嘅！」唔係～～～表面有汁果層都幾好味嘅，有炭烤嘅味道，焦焦地脆脆地，如果可以多啲汁去燒會更好。
總結呢個日式小店，海膽唔錯，燒物相對普通，整體味道ok。bar枱位好自成一角，帶少少日本風味，而最讚嘅地方係唔加一～
Post
