包包傾老趙越南餐廳 (Closed)

出師未捷身先…濕：出面落大雨啫，都唔等於要坐濕檯，濕頭同濕身啫（冷氣機滴水）。「招牌三文治」，平心而論，唔難食：學足人地涉好哂啲料翻焗，又欣賞到其刀章（扎肉、燻蹄切到紙咁薄）…「全港首創」越式三文治？「委屈」您囉。（唉，都係…你朋友打個塊係「法式三文治」牌嘛）可能深得您心的，是其比菠蘿油還要多的牛油，或者多到一啲腥味都無既肝醬。想要指天椒過一過癮，但又回敬了整色整水既甜椒。酸又唔夠酸，辣又唔得辣，魚露又唔夠魚露- 老趙阿老趙，你又「漢化」多幾錢肉緊了。[ 最鍾意的還是它那真到唔真，又假到唔假既河內中央市場生活圖- 好耐無見過佢咁「綠草如茵」囉]