Video
Read full review
2017-01-18
256 views
呢間餐廳同一般太子酒吧街嘅餐廳酒吧裝修風格大有不同，感覺 elegant 得多，難得場內仲播住中慢板既英文歌，格調高尚，完全令我扭轉對太子酒吧街一貫嘅感覺。一坐低嘢食都未嗌就梗係嘆返支啤酒先啦，揀咗至愛嘅 edelweiss，貪佢有嗰隻獨特嘅雪絨花香味，餐廳對啤酒質素嘅保持亦都極之嚴謹，喺我嗌第二杯嘅時候，侍應竟然話斟酒嗰位同事忙緊，要我地等一陣，又係嘅，一口氣打開個活塞，將個杯傾斜45度咁斟，最重要係三比一嘅 head foam，真係大有學問㗎，係我去過少數對於製作咁嚴謹嘅一間酒吧。吞拿魚牛油果醬脆筒，脆筒嘅溫度掌握得啱啱好，唔會有啲室溫嘅情況發生，牛油果食得出應該加咗少少嘢令到個牛油果醬更加杰身，牛油果嘅份量亦都好多，一直延伸到去脆筒嘅底部，吞拿魚經過少量調味，如果吞拿魚能夠再新鮮啲相信會更加好。鴨脾珍寶珠，賣相絕對無得頂，相信唔少妹豬都會衝住個賣相而黎，珍寶珠外層炸得勁脆，內層係鴨髀肉同埋薯蓉，鴨味充斥住每一下嘅咀嚼，另外珍寶珠喺食嘅時候都仲係辣口㗎，正。慢煮澳洲牛肋骨伴花生忌廉，見到佢個牛肋骨竟然係用花生忌廉醬咁特別，覺得好好奇，所以即刻嗌咗一個嚟試吓，牛肋骨經過慢煮後，肉質相
呢間餐廳同一般太子酒吧街嘅餐廳酒吧裝修風格大有不同，感覺 elegant 得多，難得場內仲播住中慢板既英文歌，格調高尚，完全令我扭轉對太子酒吧街一貫嘅感覺。
一坐低嘢食都未嗌就梗係嘆返支啤酒先啦，揀咗至愛嘅 edelweiss，貪佢有嗰隻獨特嘅雪絨花香味，餐廳對啤酒質素嘅保持亦都極之嚴謹，喺我嗌第二杯嘅時候，侍應竟然話斟酒嗰位同事忙緊，要我地等一陣，又係嘅，一口氣打開個活塞，將個杯傾斜45度咁斟，最重要係三比一嘅 head foam，真係大有學問㗎，係我去過少數對於製作咁嚴謹嘅一間酒吧。
吞拿魚牛油果醬脆筒，脆筒嘅溫度掌握得啱啱好，唔會有啲室溫嘅情況發生，牛油果食得出應該加咗少少嘢令到個牛油果醬更加杰身，牛油果嘅份量亦都好多，一直延伸到去脆筒嘅底部，吞拿魚經過少量調味，如果吞拿魚能夠再新鮮啲相信會更加好。
鴨脾珍寶珠，賣相絕對無得頂，相信唔少妹豬都會衝住個賣相而黎，珍寶珠外層炸得勁脆，內層係鴨髀肉同埋薯蓉，鴨味充斥住每一下嘅咀嚼，另外珍寶珠喺食嘅時候都仲係辣口㗎，正。
慢煮澳洲牛肋骨伴花生忌廉，見到佢個牛肋骨竟然係用花生忌廉醬咁特別，覺得好好奇，所以即刻嗌咗一個嚟試吓，牛肋骨經過慢煮後，肉質相當軟腍，黐骨嘅部位牛味當然唔會嘢少，再夾埋個花生忌廉醬，鹹鹹地得嚟又有好香嘅花生味，係一味好特別嘅牛肋骨。
Post
