樂天皇朝 (Closed)

餐廳位於尖沙咀加拿芬廣場2樓，中式嘅裝修感覺高雅，座位闊落舒服。李白醉雞 ($85) - 醉雞的酒味十分香，雞肉嫩滑有雞味，索滿酒味後食落又香又滑。陳皮五香牛肉 ($68) - 切成薄薄一片嘅牛展相當入味，陳皮五香味增添牛肉鮮味之餘又唔會蓋過本來嘅牛肉味，讚！正宗重慶水煮魚 ($198) - 一上枱已經聞到好香嘅麻辣香味，無骨嘅魚片口味十分滑溜，配上爽口嘅大豆芽、雲耳、索滿麻辣味嘅豆腐皮及滑溜細粉，味道香、麻、鮮、辣俱備，相當惹味。上海生煎包 ($42) - 香軟嘅生煎包底部煎得金黃香脆，入面嘅豬肉餡鮮嫩充滿肉汁，水準相當不俗！皇朝擔擔拉麵 ($60) - 帶點辣嘅麵湯充滿花生及芝麻嘅香味，濃稠度適中而質感幼滑；拉麵幼細滑溜十分掛湯，啖啖滋味。擂沙湯圓 ($42) - 上枱時暖暖地，裡面嘅餡料唔會過熱燙咀亦唔會凍冰冰，溫度剛好適合食用；軟糯嘅糯米團入面係好香嘅芝蔴餡，而且甜度適中，令人忍唔住食完一粒再一粒。檸檬蘆薈桂花蜜 ($28) - 味道酸酸甜甜帶有好香桂花味，加上爽脆蘆薈粒，好味又解辣。