牛氣沖天清湯腩專門店

Open Now

Now Closed

今日有事經過元朗，即刻搵一啲收藏已久的食店去試吓，久聞牛氣沖天大名已久，知道佢好出色！於是經過即刻試吓，好彩早啲嚟到，有位即刻坐低，叫咗新鮮牛腩一碗，醒唔起要叫特別部位，算啦，但係估唔到一樣有意外驚喜，我雖然叫牛腩米，但係真係食得出係新鮮牛腩，好有肉味，又唔會太腍，又唔會黐牙！真係冇得頂，但係奇怪嘅係好少牛腩店，會俾咁多蘿蔔，啲蘿蔔又甜，又冇渣！配埋牛腩真係一絕！可惜我嚟到已經好飽，如果唔係我一定食多一碗！元朗人真係有福！