胡爐 (Closed)

不嬲都知銅鑼灣呢邊 比較多高質嘅火鍋 今次專登同幾個喺銅鑼灣附近放工嘅朋友 黎到呢間胡爐 呢間主打 特色優質嘅湯底 仲有手打系列 嘅餃子同埋丸類😀我哋一行四人叫咗兩款湯底試下 其中一款係胡椒豬肚花膠雞湯 上到枱好驚豔 有好多嘅雞件 啖啖肉 最正係有好多舊嘅花膠 好滋補啱曬冬天食😁另一個湯底係芫茜皮蛋湯底呢個味道比較清啲啱曬芫茜fans😄😄我哋叫咗一個 葫蘆牛拼盤 有牛嘅好多唔同特別部位 例如有安格斯手切肥牛 牛胸爽 牛頸肉等 肉嘅部分好鮮嫩 😍而手打丸方面 有手打牛丸墨魚丸黑松露墨魚丸等😊另外再叫咗一個手工餃子 皮薄餡靚😋最後叫咗個蔬菜拼盤同埋 黃金炸魚皮 超鍾意呢個小食 有好邪惡嘅鹹蛋 配搭脆口魚皮 正!😘