Video
Read full review
2018-12-27
130 views
一向都好喜歡大坑嘅環境，一黎多美食，二黎周圍環境寧靜舒服，食飽飽就可以周圍散吓步消化一下嚕。今日就約咗個朋友黎大坑覓食，而正好我同朋友都好想食湯麵，見到依間越南餐廳網上的評價都唔錯，就決定試一試佢啦。首先餐廳嘅環境都幾舒服，座椅間嘅空間夠，餐廳嘅裝潢以火車車卡為參考，非常用心。另外餐牌上嘅選擇都夠多，最後我哋就叫咗炸春卷$57、軟殼蟹紙米卷$78、炭燒沙嗲雞串$63、生熟牛河$72，鮮蟹肉湯檬$108。飲品就叫咗椰汁紅豆冰$33同凍龍眼肉水$33。炸春卷$57即叫即炸，所以好脆口，可以用生菜捲住再點魚露食，作為前菜食又好味又開胃。軟殼蟹紙米卷$78首先軟殼蟹比我想像中大隻，而且有牛油果及粉絲。可以點醬食，不過其實本身嘅味都已經夠好味，而且軟滑嘅米紙同炸軟殼蟹令到成個口感好豐富。唔錯!炭燒沙嗲雞串$63雞肉肉身好嫩滑，而且好入味!生熟牛河$72依樣係朋友想點嘅，不過我哋都係share食，首先牛肉湯底夠晒濃味，而且牛片份量多且口感嫩，河粉夠索湯，加少少辣椒仔一齊食就非常滋味。鮮蟹肉湯檬$108身為海鮮精嘅我一見到餐牌上有依款揀，就已經二話不說地揀咗食佢。首先個湯真係鮮味十足，有好濃嘅蝦蟹味
今日就約咗個朋友黎大坑覓食，而正好我同朋友都好想食湯麵，見到依間越南餐廳網上的評價都唔錯，就決定試一試佢啦。
首先餐廳嘅環境都幾舒服，座椅間嘅空間夠，餐廳嘅裝潢以火車車卡為參考，非常用心。另外餐牌上嘅選擇都夠多，最後我哋就叫咗炸春卷$57、軟殼蟹紙米卷$78、炭燒沙嗲雞串$63、生熟牛河$72，鮮蟹肉湯檬$108。飲品就叫咗椰汁紅豆冰$33同凍龍眼肉水$33。
炸春卷$57
即叫即炸，所以好脆口，可以用生菜捲住再點魚露食，作為前菜食又好味又開胃。軟殼蟹紙米卷$78
首先軟殼蟹比我想像中大隻，而且有牛油果及粉絲。可以點醬食，不過其實本身嘅味都已經夠好味，而且軟滑嘅米紙同炸軟殼蟹令到成個口感好豐富。唔錯!炭燒沙嗲雞串$63
雞肉肉身好嫩滑，而且好入味!生熟牛河$72
依樣係朋友想點嘅，不過我哋都係share食，首先牛肉湯底夠晒濃味，而且牛片份量多且口感嫩，河粉夠索湯，加少少辣椒仔一齊食就非常滋味。鮮蟹肉湯檬$108
身為海鮮精嘅我一見到餐牌上有依款揀，就已經二話不說地揀咗食佢。首先個湯真係鮮味十足，有好濃嘅蝦蟹味同清甜嘅蕃茄味，如果係河粉可能會更索味，不過檬粉就爽口啲，感覺上冇咁油膩，而且入面都有不少嘅蟹肉，仲有蝦、蝦丸、同蝦肉卷，全部都係我好喜歡食嘅野，想讚一讚個蝦丸係手打的，彈牙又好味。
椰汁紅豆冰同凍龍眼肉水就不過不失啦，椰汁紅豆冰嘅椰汁同紅豆份量啱啱好，唔會太甜。
埋單$244一位，以大坑依個地區黎講唔算貴喔。
Post
