德豐打冷粉麵餐廳

Open Now

Now Closed

放假同朋友黎左深水步,買小小電腦野,買完之後係附近食野,黎左德豐打冷粉麵餐廳 《咸菜鬥鱔魚》份量都幾多，入口幾好味，內裏亦有魚汁，咸菜配料都唔錯，沾上個汁都幾夾。 食食下職員主動問我地需唔需要熱水或茶，服務態度非常之好。《醬汁雞腳》好多料，而且好夠味，配飯撈埋黎食好正，雞腳亦軟腍，仲有索晒汁添。《滷水拚盤》雖然係醬汁幾多，但本身個味都好香，可以點埋個醬汁，食到有少少醬油甜味同肉味。味道好夠，對於滷水愛好者黎講真係不能不試《滷水雞腸配腩肉》腩肉唔算太肥,岩岩好,所以食得過.肥腸好夠味,我同朋友都好鍾意食 差唔多坐到人頭湧湧，野食確係煮得唔錯。