Video
Read full review
2023-04-15
1157 views
等我又試下再寫番下野先，之前個堆我唔追黎寫啦，呢餐開始啦～我有聽朋友講過，男人都有 search過，只係從來都的唔起心肝“搭車過去食”，加上得我地兩個叫唔到咩，今次可以借D意叫多兩樣🤪糯米炒膏蟹當然無佢相咁吸靚仔，但都好好食好吸引，一放落黎個陣香味～ 食得出都係生炒既，隻蟹都多膏，呢兜野堅邪惡又當然我地3條友仲有咁多餸係唔會食得哂，我地留起左第二日再食香茜蟹味銀絲鍋呢個我都知係男人為我而叫既，因為正常叫左個蟹飯無咩奶油再叫多個蟹粉絲但又咁講，可能係我鍾意既粉絲，我一定有話鍾意架，但就算無我既偏心加持都係好香同炒得乾身，你係會見到為數不少既膏，所以好香好好食啫啫芥蘭煲其實呢幾個煲都係一放落黎就已經聞到，鑊氣一定有，呢個仲有蝦乾個陣鹹香味，真係好好食菠蘿咕嚕肉呢個就係男人好鍾意既，其實係我印象中細個唔太食，大個就覺得呢樣係俾鬼佬食既，直至遇到男人先知... 原來... 不過咁講我都鍾意食，不過就一兩舊肉就夠，我主力都係菠蘿！ 而佢呢個係用新鮮菠蘿！ 呢個絕對係加分位叉燒想叫佢個伊比利亞叉燒皇，但個日無，所以叫左呢個普通版，對我呢D鍾意食瘦叉既人黎講，我會嫌佢肥，但正常人應該係開心既，佢個汁
我有聽朋友講過，男人都有 search過，只係從來都的唔起心肝“搭車過去食”，加上得我地兩個叫唔到咩，今次可以借D意叫多兩樣🤪
糯米炒膏蟹
當然無佢相咁吸靚仔，但都好好食好吸引，一放落黎個陣香味～ 食得出都係生炒既，隻蟹都多膏，呢兜野堅邪惡
又當然我地3條友仲有咁多餸係唔會食得哂，我地留起左第二日再食
香茜蟹味銀絲鍋
呢個我都知係男人為我而叫既，因為正常叫左個蟹飯無咩奶油再叫多個蟹粉絲
但又咁講，可能係我鍾意既粉絲，我一定有話鍾意架，但就算無我既偏心加持都係好香同炒得乾身，你係會見到為數不少既膏，所以好香好好食
啫啫芥蘭煲
其實呢幾個煲都係一放落黎就已經聞到，鑊氣一定有，呢個仲有蝦乾個陣鹹香味，真係好好食
菠蘿咕嚕肉
呢個就係男人好鍾意既，其實係我印象中細個唔太食，大個就覺得呢樣係俾鬼佬食既，直至遇到男人先知... 原來... 不過咁講我都鍾意食，不過就一兩舊肉就夠，我主力都係菠蘿！ 而佢呢個係用新鮮菠蘿！ 呢個絕對係加分位
叉燒
想叫佢個伊比利亞叉燒皇，但個日無，所以叫左呢個普通版，對我呢D鍾意食瘦叉既人黎講，我會嫌佢肥，但正常人應該係開心既，佢個汁各樣都調得好味，唔柴
例湯
男人係為著個樽而點既，而佢呢個例湯都唔錯，仲要有我喜歡既雪耳🤣
雞腳
係坐低就有既side dish，食左先記得影
overall,係好食既～ 一定會再去食，因為仲有其他野想試
糯米炒膏蟹
19 views
0 likes
0 comments
香茜蟹味銀絲鍋
23 views
0 likes
0 comments
菠蘿咕嚕肉
24 views
0 likes
0 comments
啫啫芥蘭煲
10 views
0 likes
0 comments
叉燒
10 views
0 likes
0 comments
例湯
10 views
0 likes
0 comments
小菜
5 views
0 likes
0 comments
Post
