Video
Read full review
2024-07-24
213 views
銅鑼灣中菜館 樂天皇朝今次去咗利舞臺嘅樂天皇朝，呢度位置寬敞，坐得非常舒服，而且裝潢華麗。侍應服務非常有禮同埋迅速。麻醬油麥菜 $72呢個油麥菜非常清新健康，而且包得精緻，非常足夠嘅麻醬。龍華素鴨 $78呢個素鴨非常入味多汁，口感滑嫩。炸饅頭 $32超級喜歡呢個炸饅頭！饅頭外皮炸得金黃色，亦非常香脆，煉奶亦都非常足夠，食完非常滿足！川味小籠包 $92小籠包多汁餡多，麻辣味滿足到小編朋友喜歡辣嘅食慾。雪菜蝦仁炒飯 $98小編最近食素，問到餐廳可唔可以蝦仁分開上，餐廳非常迅速地回應可以安排，亦會細心同客人講解，實在非常加分！坦白講，而家香港越來越多人食素，但一出去同朋友聚會嘅時候總係會面對好多限制，所以非常欣賞樂天皇朝可以將肉類分開上，令素食者同埋一般朋友都可以喺同一個桌上共享美食。講返呢個炒飯即使蝦仁分開上，但係本身炒飯味道非常夠味，飯身夠乾，無論雪菜同埋蛋都切得非常細，唔會好似其他餐廳大細不一，非常適合一口一口咁食。香煎豆沙窩餅 $62豆沙窩餅紅豆味濃，外皮亦煎得少少脆口，係小編喜歡嘅甜品之一。味道: 4/5環境: 4.5/5服務: 5/5性價比: 4/5
今次去咗利舞臺嘅樂天皇朝，呢度位置寬敞，坐得非常舒服，而且裝潢華麗。侍應服務非常有禮同埋迅速。
麻醬油麥菜 $72
呢個油麥菜非常清新健康，而且包得精緻，非常足夠嘅麻醬。
龍華素鴨 $78
呢個素鴨非常入味多汁，口感滑嫩。
炸饅頭 $32
超級喜歡呢個炸饅頭！饅頭外皮炸得金黃色，亦非常香脆，煉奶亦都非常足夠，食完非常滿足！
川味小籠包 $92
小籠包多汁餡多，麻辣味滿足到小編朋友喜歡辣嘅食慾。
雪菜蝦仁炒飯 $98
小編最近食素，問到餐廳可唔可以蝦仁分開上，餐廳非常迅速地回應可以安排，亦會細心同客人講解，實在非常加分！坦白講，而家香港越來越多人食素，但一出去同朋友聚會嘅時候總係會面對好多限制，所以非常欣賞樂天皇朝可以將肉類分開上，令素食者同埋一般朋友都可以喺同一個桌上共享美食。講返呢個炒飯即使蝦仁分開上，但係本身炒飯味道非常夠味，飯身夠乾，無論雪菜同埋蛋都切得非常細，唔會好似其他餐廳大細不一，非常適合一口一口咁食。
香煎豆沙窩餅 $62
豆沙窩餅紅豆味濃，外皮亦煎得少少脆口，係小編喜歡嘅甜品之一。
味道: 4/5
環境: 4.5/5
服務: 5/5
性價比: 4/5
Post
