Video
Read full review
2020-05-21
401 views
餐廳係以定食set 為主, 可自由配搭主菜, 有冷熱盤可以揀,3️⃣款$100,4️⃣款$125, 每個SET都會跟一個五穀飯或黃薑飯🍚 一杯麥茶☕️同埋味噌湯😋我地4個人每人分別揀左3️⃣款主食, 全部都幾有水準, 當中以炸物最為有驚喜🤩 野菜天婦羅炸得超酥脆得黎完全唔油膩, 係香港好少食到咁酥脆既炸物😌 另外炸南瓜薯餅都十分有驚喜, 軟滑清甜既南瓜蓉混合埋薯蓉再拎去炸, 酥脆清爽得黎又唔會油膩, 呢個係我暫時食過最好食既南瓜餅🎃 蘿蔔冬菇關東煮既湯係超級清甜, 最後俾我成碗飲曬🍢 赤味噌田樂豆腐又係一個驚喜組合, 鹹鹹甜甜既味噌醬配上煎到外脆內軟既豆腐, 攞黎配飯係一流🤤 本菇茶碗蒸同樣地出色, 香滑既蒸蛋碗上大量既本菇, 雖然材料簡單, 但係食到每樣食材既鮮味先係最重要🤘🏾 以上介紹既全部都係熱既主食, 冷既主食相比起熱既主食相對地比較少選擇, 不過都揀左一個試吓😌 紫薯紅菜頭青蘋果沙律🍏 呢個真心覺得冇得輸, 首先佢既外型比我想像既精緻好多, 雖然食材看似簡單, 不過依然有十分驚喜既味道🤤 清甜既紫薯蓉形成球狀, 裏面混合左一粒粒既紅菜頭, 面頭插住幾條青蘋果絲, 清新健康既組合飯方面我就揀
餐廳係以定食set 為主, 可自由配搭主菜, 有冷熱盤可以揀,3️⃣款$100,4️⃣款$125, 每個SET都會跟一個五穀飯或黃薑飯🍚 一杯麥茶☕️同埋味噌湯😋
我地4個人每人分別揀左3️⃣款主食, 全部都幾有水準, 當中以炸物最為有驚喜🤩 野菜天婦羅炸得超酥脆得黎完全唔油膩, 係香港好少食到咁酥脆既炸物😌 另外炸南瓜薯餅都十分有驚喜, 軟滑清甜既南瓜蓉混合埋薯蓉再拎去炸, 酥脆清爽得黎又唔會油膩, 呢個係我暫時食過最好食既南瓜餅🎃 蘿蔔冬菇關東煮既湯係超級清甜, 最後俾我成碗飲曬🍢 赤味噌田樂豆腐又係一個驚喜組合, 鹹鹹甜甜既味噌醬配上煎到外脆內軟既豆腐, 攞黎配飯係一流🤤 本菇茶碗蒸同樣地出色, 香滑既蒸蛋碗上大量既本菇, 雖然材料簡單, 但係食到每樣食材既鮮味先係最重要🤘🏾
以上介紹既全部都係熱既主食, 冷既主食相比起熱既主食相對地比較少選擇, 不過都揀左一個試吓😌 紫薯紅菜頭青蘋果沙律🍏 呢個真心覺得冇得輸, 首先佢既外型比我想像既精緻好多, 雖然食材看似簡單, 不過依然有十分驚喜既味道🤤 清甜既紫薯蓉形成球狀, 裏面混合左一粒粒既紅菜頭, 面頭插住幾條青蘋果絲, 清新健康既組合
飯方面我就揀左黃薑飯, 飯被黃薑染成咖喱黃色, 食落有好輕微薑既辣味, 飯面擺左啲薑絲, 成個感覺好養生, 而且同配菜都好夾😚 另外味噌湯方面都比正常既大碗, 而且有大量既海帶, 少量既豆腐粒同埋紅蘿蔔粒🥕 湯比我地平日飲既更清爽唔會覺得好鹹, 值得一讚👍🏽
食完呢一餐之後我完全對素食改觀, 真係冇諗過素食都可以咁精緻同美味, 而且我覺得呢個價錢食到呢個質素, 絕對係物超所值🤘🏾 大家想食清淡既話極力推薦呢間, 完全會顛覆你對素食既睇法
Post
