旭

Open Now

Now Closed

生日食好啲去咗銅鑼灣旭食咗個師傅發板。前菜有昆布豆付，水云，白螺肉，味道簡單幾開胃。刺身油左口魚薄切加魚邊，同一碟有兩種口感，魚肉夠爽口，魚邊又有油香。梭子魚，經過火炙，魚肉比較軟身，魚味幾濃郁，少少似鰻魚口感。北海道粟米，爽脆清甜，可以清一清個味蕾。北海道白象拔蚌，細細隻，比平時食嘅肉質更細緻爽脆，味道更甜。拖羅魚鮫，成日郁動的位置，所以肉質細嫩，油分夠重，加埋紫蘇葉大蔥紫菜一齊食，越咀嚼就越溢出鮮味。安康魚肝，用上汁煮，味道帶甜，少少羅白碎在面，一個幾新鮮嘅嘗試。燒太刀魚，入口有魚香，外皮香脆，油份非常澎湃，所以肉質好細嫩，估唔到煮熟咗嘅魚都有這一種鮮味。北寄貝，有輕火炙，除咗貝類嘅鮮味，仲多咗一種炭香味。白醋青森鯖魚，面有三色漬及白版昆布，釋出鯖魚另一種清香。北海道凡立貝，入口新鮮爽口，味道清甜。鳥取赤身，輕輕嘅醬油漬過，入口有鮮味，魚肉幼嫩。大拖羅，師傅將太拖羅切成薄片，切斷根位，魚肉入口即溶，油分充足。馬糞海膽加白海膽，混合兩種海膽，一種香濃，一種帶甜，含喺口裏面，味道互相融合合，味道相得益彰。最後拖羅蓉手卷，大量香蔥及Wasabi，香脆嘅紫菜，作為結尾令人大滿足。