香港蘇浙滬同鄉會

Open Now

Now Closed

薰蛋好香煙薰味，應該係餐廳自己準備而唔係買現成的（但我唔肯定）。除左煙薰味好香之外，隻蛋本身都好有蛋味，次次食都新鮮～蛋黃上面會有D鹽，食落更有多一層口感。油泡蝦球係我最鍾意食嘅其中一道餸，真係好好味二百幾蚊唔算平，但好足料，有成十幾隻蝦，隻隻都大嘅。蝦好新鮮好爽，食唔停口樟茶鴨會比較飄忽，唔係次次都好食，有時會好乾。如果好食嘅時候D肉係有肉汁，唔會乾，肉質鬆軟。連皮同白色包仔食一流嫰雞煨麵係我嘅至愛個湯結結地，黎到放多陣，等D麵吸左少少湯再食，真係超級正！又唔會太咸，雞味勁濃，多雞粒多菜粒，真係好正！！