Video
Read full review
2024-10-03
670 views
朋友話最近有新bar好似幾正，三人行一齊去試吓。照舊，試吓新餐廳之前睇吓人哋食評，跟機實冇死。其實佢都算幾多選擇，主要係泰式同越式菜。Pho Bo Beef ($138) + Bone Marrow ($75): 呢個差唔多每一台都叫嘅，所以我哋都唔執輸。牛肉湯勁好飲，真係飲得出係好足料好有牛肉味道，同平時出邊食嘅越南河粉唔同，出邊會好清甜，但係呢一度就多咗一份牛肉嘅濃香味。牛肉份量都唔算少，自己鍾意呢一度有唔同嘅選擇，我地加咗一份牛骨髓，同樣燒得都幾出色，好有炭香味，而且都唔算貴。每逢食泰菜，自己一定會叫嘅就係炒通菜($58)。份量都正常，而呢個價錢其實都幾抵食，但係如果唔係好食得辣嘅人就建議問吓可唔可以減少辣度，又或者叫其他嘢啦。蟹肉炒飯($138): 叫咗咁多牛，純粹想食吓海鮮，好彩見到都幾有鑊氣，而且蟹肉嘅份量都真係幾多，除咗有幾較大嘅之餘，見到蟹肉絲都算多。抵食，而且都算幾龍尾嘅，以酒吧來講，質素算係有翻咁上下。主菜就叫咗燒牛扒($528): 自己好鍾意呢道菜，朋友都話正，原因係因為食落去好香嘅炭燒味，而且其實唔需要點佢比嘅芥末醬同埋黑松露醬已經好夠牛肉味道，而且牛扒上小小嘅
照舊，試吓新餐廳之前睇吓人哋食評，跟機實冇死。其實佢都算幾多選擇，主要係泰式同越式菜。
Pho Bo Beef ($138) + Bone Marrow ($75): 呢個差唔多每一台都叫嘅，所以我哋都唔執輸。牛肉湯勁好飲，真係飲得出係好足料好有牛肉味道，同平時出邊食嘅越南河粉唔同，出邊會好清甜，但係呢一度就多咗一份牛肉嘅濃香味。牛肉份量都唔算少，自己鍾意呢一度有唔同嘅選擇，我地加咗一份牛骨髓，同樣燒得都幾出色，好有炭香味，而且都唔算貴。
每逢食泰菜，自己一定會叫嘅就係炒通菜($58)。份量都正常，而呢個價錢其實都幾抵食，但係如果唔係好食得辣嘅人就建議問吓可唔可以減少辣度，又或者叫其他嘢啦。
蟹肉炒飯($138): 叫咗咁多牛，純粹想食吓海鮮，好彩見到都幾有鑊氣，而且蟹肉嘅份量都真係幾多，除咗有幾較大嘅之餘，見到蟹肉絲都算多。抵食，而且都算幾龍尾嘅，以酒吧來講，質素算係有翻咁上下。
主菜就叫咗燒牛扒($528): 自己好鍾意呢道菜，朋友都話正，原因係因為食落去好香嘅炭燒味，而且其實唔需要點佢比嘅芥末醬同埋黑松露醬已經好夠牛肉味道，而且牛扒上小小嘅鹽咁配已經好好食，上枱嘅時候係切好晒嘅，所以要趁熱食，而且見到真係好鮮嫩，有滿滿的肉汁流出嚟，而且冇乜筋，出色之作！
參考上面見到有一道餸叫做DIY($58)，好奇心驅使之下叫咗啦。原來係自己整嘅類似越南春卷咁樣嘅，有菠蘿，生菜，青瓜，酸菜，而且有濱洗(米粉)。呢碟完全中晒我想食嘅嘢，好有越南嘅風味，味道可以自己調校之餘，仲想食咩就可以揀乜嘢，正。
甜品叫左Sticky rice & coconut ice cream ($118): 完全冇諗到呢兩樣嘢可以加埋一齊，但係加咗一齊又幾好食，好香嘅椰子雪糕，而且糯米飯會係個底嘅，所以加埋一齊食咗幾夾，自己覺得如果可以加少少新鮮嘅椰子肉會更加好。
飲品方面每人叫咗一杯: Citrus Splash ($88) 幾清新容易入口。Mamtom Cooler ($88)比起前者，呢個青檸味道更加突出。French red wine ($75 per glass) 朋友拎嚟送牛扒嘅，佢話正正常常。
總結：自己覺得呢一間雖然話係酒吧，但係嘢食更加出色，絕對啱晒班朋友過嚟傾偈咁樣過一個夜晚，三個人食晒所有嘢都真係幾飽。而且呢度新裝修得幾靚，價錢亦都唔貴，我哋去食嘢嗰晚係平日，但係好耐冇見過全院滿座嘅情況！
Post
