癡膠雞 (荔枝角道)

Open Now

Now Closed

呢間主打湯米線嘅餐廳，招牌係雞湯，當然要試試不同口味嘅雞湯。首先係招牌癡花膠雞濃湯米線（$68），真係有幾塊花膠，而且個湯又癡癡地，充滿花膠味道。麵方面除咗米線，仲可以轉米粉、上海麵、薯粉等，今次我就轉左米粉。因為唔想食太多麵，所以另一份點左椰子雞（一份，$50）。椰子雞湯椰子味十足，好似落咗好多椰子咁，個人覺得呢個比花膠湯更好味。特別之處係所有雞湯都係一隻鐵鑊咁上餐，好似快餐店打邊爐咁，下面有個火熱住，咁樣啲湯就唔會凍咗膠住。另外值得一讚係雞嘅份量幾多，男士食都夠飽。最後點多個濃雞湯時蔬（$28），試埋佢最原始雞湯味，用湯煮嘅菜清淡得嚟又有味道，唔錯。