禾庭手工火鍋 (Closed)

星期日同朋友去銅鑼灣行下街睇下戲~睇完戲已經兩點幾🤣一點之下先知原來我朋友同我一樣全日都未食過野🙈換言之，一個下午茶餐係絕對唔夠我地食😂行過見到呢間禾庭火鍋店，Menu又幾吸引🤩就展開左今次下午茶食火鍋之旅～——————最先我地係比佢嘅湯底吸引先嘅～除咗平時係出面火鍋店食比較common嘅湯底之外，仲有其他養生湯底、酸菜魚、卜卜蜆同雞煲等等😍我地就叫左個霸王藏嬌鍋～鍋入面有半隻黃油雞，店員會貼心地比我地打完卡就會幫我地剪開佢😋其他配料都係好健康養生~包括花膠、竹笙、南瓜同桃膠😝味道好濃郁，好味到我未開始打邊爐就已經飲左兩碗湯啦😋😋——————配料方面，佢有好多好得意嘅配搭可以揀😋我試左頑皮蘇哈仔～佢係用墨魚滑包住鳳尾蝦～食落口外軟內爽😆又可以滿足到想食多啲海鮮嘅願望😋——————日本玫瑰黑豚肉🐽佢嘅賣相十分靚😍切得好薄，好快就熟～而且豬味好濃郁😍——————脆豬午餐肉😍唔健康嘅食物果然最好食！不過偶爾食一次都唔過份啦！炸過超香口🤣就咁食都好食呀！——————白鱔片❤️超級新鮮，配埋呢個湯底更鮮甜🤩🤩——————佢嘅飲品選擇唔多🙈不過有茶比我可以清新一下就足夠🤣佢仲有特別啲嘅自制樽仔奶茶可