星星 Pho Cha

Open Now

Now Closed

係佐敦既呢間《星星》有兩間連住既舖位，一間做外賣，一間做堂食。今次晚市堂食，兩個人叫左一份雙拼炸雞（原味拼酸辣），一份原味紫菜包飯，一份芝士炒年糕。每枱客人都會包免費一份前菜，都係例牌個啲涼拌芽菜，菠菜，泡菜；前菜略嫌味道較淡。炸雞大大份，但有啲失望，雞肉較乾，冇肉汁，原味炸雞更加係冇味；酸辣味就太甜，完全唔辣，下次唔會再叫。紫菜包飯餡料好多，飯都包得好好，唔會一夾就散哂，調味方面如果多返少少麻油就prefect!最出色係芝士炒年糕，份量非常多，入面仲有麵同魚片糕，芝士味十分濃，基本上每一啖都會食到好濃芝士味。年糕質地都煮得好好，唔粉，好軟糯，好食！