程班長台灣牛肉麵 (Closed)

信我,呢間野賣點同招牌一定唔係甜品!!以我識整蛋糕既人黎講(雖然唔算超叻),佢個甜品櫃放左係門口位,下午二時進舖食野,見住佢咁曬,好易出事!特別係夏天...由於未食過冬粉,所以膽粗粗將麵改成冬粉。下午兩點入座,人唔算多,等小貓5-6隻,外加 兩位 "字遊痕" 粗豪女人!原本想叫蘋果醋,因為賣晒,最後改左叫蜂蜜醋。熱天熱辣辣,一杯微酸的醋,簡直就係開胃消暑之選。大大杯慢慢飲。等左十分鐘左右,期待己久的牛肉冬粉終於上黎...牛肉好腍,好入味。湯底都幾好夠濃!見到餐牌上講明忠於原味,湯底會多油,會重手。想清淡者請下單時揚聲。半隻蛋,同幾片菜,可以既話比多幾片都唔洗死GE...呢兜酸菜,切得夠幼細,放一把落牛肉麵度。哇成件事提昇左...因為佢中和左牛肉湯既油膩,令兜麵心感又更加豐富左!於是一把又一把的將酸菜放落兜湯度...最後成兜冬粉食晒。女仔食會勁飽!其實呢間店都好鬼台灣地道FEEL,店夠唔太乾淨。紙巾盒殘舊,冷氣槽滴水,不正正是台式小店FEEL?你唔好話台灣每間小店都肆肆正正,光猛乾淨...