上海弄堂菜肉餛飩 (Closed)

星期六中午同女友去灣仔食午餐，經佢推介後去咗上海弄堂菜肉餛飩，因為女友係常客 對呢間店嘅食物讚不絕口，而且上海菜係我鍾意嘅菜式之一。店鋪門外門內都好有上海菜館風貌，環境舒適。我對餐牌嘅各種食物都好有興趣，可惜得兩個人。花雕醉雞(涼菜)配擔擔麵，雞肉肉質結實，好香酒味，絕對係必點之一。擔擔麵麵質爽口，每啖都食到香濃嘅花生醬味。獅子頭配菜飯，兩大嚿肉丸口感鬆化，肉汁鮮甜好足料，菜飯有咬口唔會太油膩夠清淡 。黎都上海菜館當然要試下小籠包，皮薄餡足肉汁好鮮甜，上枱後好快已經食曬。炸銀絲卷，外皮很香口，口感十足，配上煉奶更加滋味。豆沙鍋餅外層做得脆口，餡料好足，味道唔會太甜。飲品方面，叫咗杯香濃既熱豆漿同特飲熱蜂蜜咸檸檬水，味道令人開胃。